Nuku’alofa, Tonga

hōho’a fenua ’e te ha’amenemenera’a hā’ati ia Tonga

Tei pīha’i iho te hiero o Te ’Ēkālesia a Iesu Mesia i te Feiā Mo’a i te mau Mahana Hope’a nei i Nuku’alofa, i te fare ha’api’ira’a tuarua Liahona High School a te ’Ēkālesia. Fātata e 63 i ni’a i te hānere te rahira’a o te huira’atira nō Tonga e melo nō te ’Ēkālesia

Fātata e 66 400 melo
E 21 titi, e 2 mata’eina’a, 173 pāroita ’e ’āma’a, e 2 misiōni
E 21 pū ’ā’amu ’utuāfare, 1 hiero e ’ohipa nei ’e 1 e patuhia ra

E tāhō’ēhia tātou

E putuputu pinepine o Sonasi Langi (tei pohe i teienei) nō Kolonga, Tongatupu, ’e te mau melo o te ’utuāfare nō te hīmene i te mau hīmene purera’a ’e nō te tu’u i te mau tiare i ni’a i nā mēnema o tōna metua tāne ’e tōna tuahine. « I te hō’ē mahana e tāhō’ēhia tātou », ’ua parau ’oia. « I tō’u mana’o, e hīmene tātou i teie ā ïa mau hīmene ».

Mau mea hau atu ā nō ni’a i te ’Ēkālesia i Tonga.

te ari’i nō Tonga ’e te feiā fa’atere o te ’Ēkālesia ’e vetahi ’ē — ’Ua fāri’i te ari’i nō Tonga i te peresideni Russell M. Nelson ’e tāna vahine ’o Wendy ; ia Elder Gerrit W. Gong ’e tāna vahine ’o Susan ; ’e te tahi atu mau ta’ata, i te hō’ē tere i Tonga i te matahiti 2019.

e feiā ’āpī tamāhine ’ata’ata — Mai te feiā ’āpī tamāhine nō te ’Ēkālesia tā’āto’a, tē ha’amau nei teie feiā ’āpī tamāhine nō Tonga i te mau fā ’e tē tūtava nei nō te fa’aoti i te reira.

Hōho’a nō te hiero nō Neiafu Tonga — Tē fa’a’ite nei teie hōho’a e aha te huru o te hiero nō Neiafu Tonga, te piti o te hiero i Tonga, ’ia oti ana’e te patura’a.

e metua vahine ’e hō’ē tamaiti e tai’o ’āmui ra — ’Ua riro te ’utuāfare ’ei pū nō te ha’api’ira’a mai i te ’evanelia i Tonga, mai te reira nō te tā’āto’ara’a o te ’Ēkālesia, ’ia pāhono ana’e te mau melo i te pi’ira’a « mai, pe’e mai » (Luka 18:22).

’utuāfare e haere ra nā te pae miti — I Tonga, e nehenehe te orihaerera’a ’āmui nā te pae miti e riro ’ei mau fa’a’oa’oara’a maita’i nō te ’utuāfare.

nā ta’ata fa’aipoipo e ’ohipa ra i roto i te fa’a’apu — E mea faufa’a roa te ’ohipa fa’a’apu i Tonga, ’e e rave rahi feiā mo’a i te mau mahana hope’a nei e tanu nei ’e e ’ō’oti nei i te mā’a.

e piti nā vahine ’ata’ata e ’ohipa ra ’e te mau rau’ere mai’a i roto i te hō’ē fare tūtu. — I Tonga, mai i te rahira’a o te mau ’oire nō te mau motu nō Patifita, e mea pinepine te mau rau’ere mai’a i te fa’a’ohipahia i roto i te fa’aineinera’a i te mau tāmā’ara’a ’utuāfare.

e ’utuāfare e hīmene ’āmui ra i te hīmene purera’a — E tuha’a faufa’a roa te hīmenera’a i te mau hīmene purera’a nō te ha’amori-’āmui-ra’a i Tonga, mai tera nō te tā’āto’ara’a o te ’Ēkālesia.

hō’ē ta’ata e tauturuhia ra e vetahi ’ē nō te ’ō’omo i te ’ahu tumu — E mea faufa’a roa te mau ’ahu tumu i roto i te tōtaiete nō Tonga.

e feiā ’āpī tamāroa ’ata’ata i te hō’ē ’atīvite a te ’Ēkālesia — E mea au nā te hō’ē feiā ’āpī tamāroa e fārerei i te tahi atu mau ta’ata i te hō’ē ’ātivite nā te feiā ’āpī i roto i te hō’ē fare purera’a i Tonga.

nā ta’ata fa’aipoipo e tai’o ’āmui ra — E tauturu te tuatāpapara’a tāmau i te pāpa’iraa mo’a i te mau ta’ata fa’aipoipo i Tonga ’ia tupu ’āmui i te rahi i te pae vārua.

e pere’o’o uira tei tāpo’ihia i te rehu o te mou’a auahi — I te ’āva’e Tēnuare 2022, ’ua tāpo’i te rehu o te hō’ē pa’a’inara’a mou’a auahi e rave rahi mau tuha’a fenua nō Tonga.

uāhu tāpaera’a pahī ’e te mau ta’ata tāmoni ’ore ’e te mau tauha’a-hōro’a-noa-hia mai — ’Ua hōro’a te mau melo nō te motu nō Tongatapu i te mau tauha’a, tei utahia mai nā ni’a i te pahī, nō te tauturu i te feiā nō te mau motu i rāpae.