« E aha tā Isaia i ha’api’i nō ni’a i te ha’aputuputura’a o ’Īserā’ela ? », Liahona, Tetepa 2022.
Mai, pe’e mai
E aha tā Isaia i ha’api’i nō ni’a i te ha’aputuputura’a o ’Īserā’ela ?
E hi’ora’a nō Roto Miti, nā James Taylor Harwood
’Ua fa’a’ohipa Isaia i te mau taipe nō te ha’api’i nō ni’a i te ha’aputuputura’a o ’Īserā’ela. ’A fēruri i teie pāpa’ira’a mo’a : « E nāna e hōpoi i te tahi tāpa’o nō te mau fenua i ni’a ra ; e nāna e ha’aputu mai i tō ’Īseraela i fa’aru’ehia ra, e ’āmui mai ho’i i tō Iuda i ha’apurarahia ra, mai nā hope’a mai o te fenua e maha ato’a ra » (11:12).
Hō’ē tāpa’o ’o te hō’ē ïa reva. ’Ua fa’ati’a mai Elder Jeffrey R. Holland nō te pupu nō te Tino ’Ahuru ma Piti ’āposetolo i te ’ā’amu, e mea nāhea te feiā fa’atere o te ’Ēkalesia i te tau o te mau pionie hāmanira’a i te hō’ē tāpa’o, « te reva tei hāmani-rū-noa-hia, ma te parau ē te ’āfa’a nō Roto Miti ’e te mau mou’a e hā’ati nei i te reira ’ei vāhi ïa tei tohuhia, mai reira atu ho’i te parau a te Fatu i te revara’a atu i te mau mahana hope’a nei ».1
E aha te tahi atu ā mau taipe ’e mau hi’ora’a e tū’ati i te ha’apurarara’a ’e te ha’aputuputura’a o ’Īserā’ela, e ’itehia mai e ’outou i roto i te mau pene nō Isaia 2, 5, ’e te 11 ?
Nāhea tō tātou peropheta nō teie ’anotau i te tauturura’a mai ia tātou ’ia māramarama maita’i a’e i te ha’aputuputura o ’Īserā’ela ?
E mea maita’i ato’a ’ia tuatāpapa i te mea tā te mau peropheta nō teie ’anotau i parau nō ni’a i te mau ha’api’ira’a a Isaia ’e te ha’aputuputura’a o ’Īserā’ela. ’A feruri i te hi’o haere i roto i te hō’ē o teie mau a’ora’a o te ’āmuira’a rahi i hōro’ahia e te peresideni Russell M. Nelson ’e ’a tāpura i te mau rāve’a e nehenehe ai ’outou e tauturu i te ha’aputuputura’a ia ’Īserā’ela :
-
« E ao tō te feiā fa’atupu hau », Liahona, Novema 2002, 39–42
-
Russell M. Nelson, « Te ha’aputuputura’a ia ’Īsera’ela i ha’apurarahia », Liahona, Novema 2006, 79–82
-
« ’A vaiiho i te Atua ’ia upo’oti’a », Liahona, Novema 2020, 92–95