Mai, pe’e mai

Isaia 13–14 ; 24–30 ; 35

E aha tā te mau pāpa’i a Isaia e haʼapiʼi nei iā’u nō ni’a ’ia Iesu Mesia ?

hōho’a nō Iesu Mesia nō roto mai i te mau video nō te Bibilia

Pāpa’ihia e 2 700 matahiti i teienei, e riro te mau parau a Isaia i te tahi mau taime ’ei mea teimaha ’aore rā ’ei mea fifi nō te māramarama. Terā rā, te tai’ora’a i te buka a Isaia ’o te hō’ē ïa o te mau rāve’a maita’i roa a’e nō te ha’api’i rahi mai nō ni’a ia Iesu Mesia. ’Ua fa’ahiti Nephi ia Isaia nō te « ’ume hope atu ā i [te ’āti Nephi] ’ia fa’aro’o i te Fatu tō rātou Ora » (1 Nephi 19:23). Nō te māramarama maita’i a’e ia Isaia, ’a tāmata i te rōtahi i tā ’outou tuatāpapara’a i ni’a i te mau ha’api’ira’a a Isaia nō ni’a i te Fa’aora.

’A ’imi i te mau pāhonora’a i teie mau uira’a i muri nei ’a tuatāpapa ai ’outou i teie mau pene :

• Nāhea Eliakima i te fa’ahōho’a ia Iesu Mesia ? (Hi’o Isaia 22:20–25.)

• E aha tā te Mesia e rave nō tātou i te ti’afa’ahoura’a ? (Hi’o Isaia 25:8.)

• Nāhea te Mesia i te ha’api’ira’a i tōna mau ta’ata ? (Hi’o Isaia 28:10.)

• Nāhea Isaia i te fa’ata’ara’a i te fa’aho’i-fa’ahou-ra’a mai o te ’evanelia a Iesu Mesia i te mau mahana hope’a nei. (Hi’o Isaia 29:14.)

• Mai te hea te reira ’ia tupu ’ia ho’i ana’e mai te Mesia ? (Hi’o Isaia 35:10.)

« E rave rahi taime tō Isaia fa’ahitira’a nō ni’a i te fa’aurura’a fa’aora, te fa’aurura’a tāmarū ’o te Fatu. … E fa’aora tōna vārua ; e ha’amaita’i ’oia ; e tāmāhanahana ’oia ; e hōro’a ’oia i te ora ’āpī i te mau ’ā’au paruparu. E mana tōna nō te taui i te mau mea hā’iri’iri ’e te faufau ’e te faufa’a ’ore i roto i te orara’a nei ’ei ’ohipa ’una’una rahi ’e te hanahana. E mana tōna nō te fa’afāriu i te rehu auahi o te tāhuti nei ’ei mea nehenehe nō te tau ē a muri atu » (Tad R. Callister, Te tāra’ehara hōpe’a ’ore [2000], 206–7).