Mai, pe’e mai

Maseli 1–4 ; 15–16

E aha tā tātou e rave nō te « fāriu atu i tō [tātou] tari’a i te pa’ari » ?

Ma te rahira’a o te mau ha’amāramaramara’a hape i te ao nei, e riro paha ’ei ’ohipa fifi nō te tīti’a te tā’āto’ara’a ’e ’ia ’ite mai i te parau mau mure ’ore. ’Ua ’ite tō tātou Metua i te ao ra i te reira ’e ’ua ’ite ’oia ē e rave rahi o tāna mau tamari’i e ’imi nei i te mau pāhonora’a. ’Aua’e rā, e rave rahi pāhonora’a i te mau uira’a fifi roa a’e o te orara’a nei, e ’itehia i roto i te mau pāpa’ira’a mo’a, i roto i te mau a’ora’a o te ’āmuira’a rahi ’aore rā i roto i te mau heheura’a o ta’ata iho. E’ita roa atu tō tātou Metua i te ao ra e arata’i ’ē ia tātou.

’Ātivite

I roto i te Maseli, pinepine tātou i te tai’o nō ni’a i te pa’ari. E tai’o tāta’itahi ’aore rā ’ei pupu i te mau pene 2 ’e te 3 ’e ’ia hi’o mai i te mau ’īrava ’o tē fa’ata’a nei ē nāhea tātou ’ia ’imi i te pa’ari. ’Ei hi’ora’a, tē parau nei te Maseli 1:5, « e riro te feiā pa’ari i te ha’apa’o, ’e e tupu tōna ’ite, e noa’a te ’ite mau i te ta’ata ha’apa’o maita’i ».

Muhumuhura’a a te Vārua

« Mai te mea te rahira’a o te mau ha’amāramaramara’a e roa’a mai ia ’outou nā roto mai i te mau ha’apararera’a tōtiare, ’e te tahi atu, e iti ïa tō ’outou ti’ara’a ’ia fa’aro’o i te mau muhumuhu a te Vārua. Mai te mea ’aita ato’a ’outou e ’imi nei i te Fatu nā roto i te pure ’e te tuatāpapara’a i te pāpa’ira’a mo’a i te mau mahana ato’a, e riro ’outou i te tapitapi i mua i te tahi mau ha’api’ira’a ’o tē nehenehe e turori, e ’ere rā i te parau mau. E nehenehe ato’a te feiā mo’a ha’apa’o maita’i roa e ruri-’ē-hia nā roto i te tūpa’ira’a tāmau a te pupu nō Babulonia.

Peresideni Russell M. Nelson, « ’A fa’ata’a i te taime nō te Fatu », Liahona, Novema 2021, 120.

’Āparaura’a

’Ua riro te mau pāpa’ira’a mo’a ’e te ’āmuira’a rahi ’ei mau mātēria tauturu rahi nō te pa’ari. E aha te taime te hō’ē a’ora’a nō te ’āmuira’a rahi ’aore rā te hō’ē pāpa’ira’a mo’a i te arata’ira’a i tō ’outou orara’a ? Nāhea te reira i te fa’atupura’a mai i ni’a ia ’outou ?