“O Le Alofaagalelei o le Feagaiga e Faavavau a le Atua,” Liahona, Oke. 2022.
E Faafeiloai atu i Lenei Lomiga
O Le Alofaagalelei o le Feagaiga e Faavavau a le Atua
I le konafesi aoao ia Oketopa 2020, sa tuuina mai ai e Peresitene Russell M. Nelson lana lauga iloga “Ia Faamuamua le Atua.” Sa ia ta’ua e faapea mo le silia ma le 36 tausaga, sa ia suesueina ai le faapotopotoina o Isaraelu, e aofia ai galuega a Aperaamo, Isaako, ma Iakopo ma “le feagaiga na osia e le Atua ma i latou ma faalauteleina e ala i lo latou gafa” (Liahona, Nov. 2020, 92).
I le aso 31 o Mati, 2022, sa tele atu mea na ia faasoa mai i ana suesuega i se fonotaga ma le autaitai aoao o le Ekalesia. Sa ia lagona le musuia e faasoa atu lea lava savali e tasi i tagata uma o le Ekalesia i le lomiga o lenei masina o le Liahona. I lana tusiga, “O Le Feagaiga e Faavavau” (tagai i le itulau e 4), ua aoao atili mai ai e Peresitene Nelson mea ua ia aoaoina e uiga i le sootaga faalefeagaiga ua ofoina mai e le Atua i Ana fanau.
O le iloa o Isaraelu o lona uiga “ia faamuamua le Atua” na matala ai lo’u mafaufau i le vaai atu i le faapotopotoina o Isaraelu i ni auala fou. Ua ou iloa nei ua tatala e Peresitene Nelson lo’u loto a o ia faamatalaina le uiga o le uai atu, o se upu Eperu e tele ina faaliliuina o le “alofaagalelei.” O le malamalama i le auala e faaleleia ai e feagaiga lenei sootaga alofa ua finagalo ai le Atua ma Ana fanau ua suia ai le ala ou te vaai ai i la’u sootaga ma Ia.
A o tatou suesue i aoaoga a Ieremia e uiga i le faapotopotoina o Isaraelu i lenei masina i le Sau, Mulimuli Mai ia te A’u, ua fesoasoani mai Peresitene Nelson ia i tatou ia iloa le ala e le o se faatinoga o le le atoatoa o le filifilia o se nuu o le feagaiga ae o le ala i se le atoatoa o mea uma. E le gata ina mafai e soo se tasi ona maua faamanuiaga o le feagaiga e faavavau, ae o i latou o e ulu atu i lenei feagaiga e faamamaluina e ala i le aveina atu i le lalolagi atoa.
O se faamanuiaga le i ai o perofeta a le Atua, i le tuanai ma le taimi nei, e fesoasoani ia i tatou ia malamalama i le ala e mafai ai ona tatou fesootai atu i le alofa o le Atua e ala i Lana feagaiga e faavavau!
Ma le faamaoni lava,
Elder Michael T. Ringwood
O Le Fitugafulu
Faufautua i Mekasini a le Ekalesia