“E Mafai Faapefea Ona Tatou Tausia le Feagaiga Fou ma Tumau-Faavavau?” Liahona, Oke. 2022.
Sau, Mulimuli Mai ia te A’u
E Mafai Faapefea Ona Tatou Tausia le Feagaiga Fou ma Tumau-Faavavau?
Faamatalaga mai le Keriso i Emau, saunia e Carl Heinrich Bloch
Na ala mai ia Ieremia, na tautino mai ai e le Alii o le a Ia “faia se feagaiga fou ma le aiga o Isaraelu, ma le aiga o Iuta” (Ieremia 31:31). Sa faataunuuina lenei folafolaga i o tatou aso ina ua “toe faaali mai le feagaiga i tagata i le lalolagi e Iesu Keriso e ala mai i le Perofeta Iosefa Samita. … Pe a talia e tagata le talalelei ma folafola atu e tausia poloaiga a le Atua, ua osifeagaiga le Atua e tuu atu ia i latou faamanuiaga o Lana feagaiga fou ma tumau-faavavau.”1
Mafaufau i fesili nei a o e suesueina le Ieremia 31:
-
O fea o le a “tusia” ai e le Alii Lana tulafono? (tagai fuaiupu 33).
-
O le a le mea o le a faia e le Alii mo i tatou pe afai tatou te tausia a tatou feagaiga? (tagai fuaiupu 34).
-
O le a le mea o le a faia e le Alii pe afai tatou te le tausia Lana tulafono? (tagai fuaiupu 36–37).
Sa aoao mai e Elder D. Todd Christofferson o le Korama a Aposetolo e Toasefululua: “O le feagaiga fou ma tumau-faavavau o le talalelei a Iesu Keriso. I se isi faaupuga, o aoaoga faavae ma poloaiga o le talalelei ua aofia ai le aano o se feagaiga e faavavau i le va o le Atua ma le tagata lea e fou ona toefuatai mai i tisipenisione taitasi.”2