“O Le A Le Mea Na Faauuina Iesu e Fai?,” Liahona, Oke. 2022.
Sau, Mulimuli Mai ia te A’u
O Le A Le Mea Na Faauuina Iesu e Fai?
I le popofou o Lana galuega i le lalolagi, sa asiasi atu ai Iesu Keriso i se sunako i Nasareta. Sa ia faitau mai le tusi a Isaia, o fuaiupu ua tatou iloa nei o le Isaia 61:1–2. Ona Ia fetalai atu lea, “O le aso nei ua taunuu ai lenei mau o outou o faalogologo i ai” (Luka 4:21).
O fuaiupu muamua e tolu o le Isaia 61 o loo faamatala mai ai le misiona ma le galuega a le Faaola. Mafaufau pe na faapefea ona Ia faataunuuina nei mea:
“Talai atu tala lelei i e agamalu” (fuaiupu 1). O le upu talalelei o lona uiga o “tala lelei” po o le “tala fiafia.”
Ata na tusia e Denis Freitas
“Fusi i e loto momomo” (fuaiupu 1). Mo se faataitaiga, “ua ofo mai e ia o ia lava o se taulaga mo agasala … mo i latou uma o e ua i ai le loto momomo ma le agaga salamo” (2 Nifae 2:7).
“Folafola atu le saolotoga i e ua faatagataotauaina, ma le tatalaina o le falepuipui ia te i latou o e ua noatia” (fuaiupu 1). E mafai ona faasino lenei mea i le faiga o le Feagaiga Tuai o le faasaolotoina o pologa uma i le tai 50 tausaga i le tausaga o le iupeli (tagai Levitiko 25) ae e mafai foi ona faasino i le talaiga o le talalelei i le lalolagi o agaga e faasaoloto ai i latou i le falepuipui o agaga (tagai Mataupu Faavae ma Feagaiga 138).
“Faamafanafana atu i e uma e faanoanoa” (fuaiupu 2). E mafai e le Alii ona faamafanafanaina i tatou e ala i Lona Agaga, ma e mafai foi ona tatou “faamafanafana atu ia te i latou o e e manaomia le faamafanafanaga” (Mosaea 18:9).
“Avatu ia te i latou le matagofie e fai ma lefulefu” (fuaiupu 3). “O le a tofo i tatou taitoatasi i le lefulefu oona o le olaga, mai le agasala ma faatalale i le faanoanoa ma le le fiafia. Ae o le togiola a Keriso e mafai ona siitia ai i tatou i luga i le matagofie mai a tatou lefulefu i luga o apaau o se folafolaga mautinoa o le tino ola pea ma le ola e faavavau.”1