E Na’o le Faaeletonika
Mauaina o le Laveaiga mai a Tatou Tauiviga e ala i le Tama Faalelagi ma Iesu Keriso
E mafai e le Tama Faalelagi ma Iesu Keriso ona faasaoloto i tatou mai soo se nofopologa tatou te pagatia ai.
Na aoao mai Nifae “o le alofa mutimutivale agamalu o le Alii e i luga o i latou uma o e ua ia filifilia, ona o lo latou faatuatua, e faamalolosi tele ai i latou e oo lava i le mana e laveaiina ai” (1 Nifae 1:20).
O lena laveaiga e mafai ona faasaolotoina ai i tatou mai ituaiga nofopologa uma. Na aoao mai e Elder L. Tom Perry (1922–2015) o le Korama a Aposetolo e Toasefululua faataitaiga eseese o le laveaiga o loo vaaia i le Tusi a Mamona:
“O le anoanoai o tala o le Tusi a Mamona o ni tala e faatatau i le lavea’i mai. O le malaga ese mai o Liae ma lona aiga i le vao na faatatau i le laveaiina ai mai le faatafunaga o Ierusalema. O le tala i tagata sa Iareto o se tala o le laveai mai, faapea foi ma le tala i tagata o le nuu o Moleka. Sa laveaiina Alema le Itiiti mai ana agasala. Sa laveaiina le autau talavou a Helamana i le taua. Sa laveaiina Nifae ma Liae mai le falepuipui. O le autu o le laveaiina o loo manino i le Tusi a Mamona atoa.” O a isi faataitaiga laveaiga i tusitusiga paia e mafai ona e mafaufauina?
E pei o tagata taitoatasi ma faalapotopotoga i le Tusi a Mamona, e tofu manaomia e i tatou uma le laveaiga faalelagi i o tatou olaga. O nisi nei o faataitaiga o i ai sootaga i aafiaga o isi o e ua lagonaina le laveaiga mamana lea e mafai ona tatou maua e ala mai i le Tama Faalelagi ma Iesu Keriso. A o e matamata i a latou tala, mafaufau i avega o loo mamafatu ia te oe, ma tatalo mo musumusuga ia iloa ai mea e finagalo le Tama Faalelagi e te faia i lou olaga e iloa ai le laveaiga ua Ia ofoina mai ia i tatou i mea uma.
Laveaiina mai le Leiloloa ma Taimi Faigata
-
I lona Atatosi o le Faatuatua, faasoa mai ai e Rasela Lighthall le ala na faaalia ai le faatuatua i le Tama Faalelagi ma Iesu Keriso ma aoao ai i le ala e faavauvau ai i le ala e finagalo le Atua tatou te faanoanoa ai na fesoasoani ai i lona aiga ina ua leai so latou fale i se afi.
-
I le “O Se Faatanoa o le Molimau,” ua faasoa mai ai e se tasi tagata le ala na fesoasoani ai le utuvai mai o molimau laiti ia Keriso i le aluga o taimi ina ua uma ona iloa e uiga i le olaga agasala o lo latou tama.
-
I le “In the Wisdom of Him Who Knoweth All Things,” o loo talanoa mai ai Christopher Deaver e uiga i le ala na aumaia ai e afioga a Keriso ia te ia ma lana uo le filemu ina ua maliliu o la’ua tama.
-
I le “A Magnificent New Chapter,” o loo talanoaina ai e Sylvie Cornette le ala na faamalosia ai o ia e le faalatalata atili atu i le Tama Faalelagi ma Iesu Keriso i le malumalu ina ua mavae le avea ma se fafine ua oti lana tane ona tuua ai lea o lana galuega ona o se faalavelave na le mafai ai ona toe fealauai.
-
I le “An Unsent Answered Letter,” o loo talanoa ai e Elizabeth Allen e uiga i le ala na taliina ai e le Alii ia fesili uma sa ia te ia ina ua ia tauivi ma le maliu o lona tuagane e ala i le pule i le ola.
-
I le “Jesus Christ Knows the Pain We Feel from Prejudice,” ua faasoa mai ai e Sónia N. le ala na fesoasoani ai ia te ia le liliu atu i le Faaola ma Lana faataitaiga e faatoilalo ai le tiga o le tele o tausaga o le faailoga tagata.
Laveaiina mai le Agasala
-
I le “Is Your Past Holding You Back?” Ua faasoa mai e Jeff Bates le ala na fesoasoani ai ia te ia le faamaoni i lana tautinoga e suia a o faafouina ana feagaiga o le faamanatuga i vaiaso taitasi e faatoilalo ai agasala na taofia ai o ia mo le tele o tausaga.
-
I le “How the Savior’s Healing Power Applies to Repenting from Sexual Sin,” o loo talanoaina ai e Richard Ostler, o se epikopo sa i ai i se uarota a talavou nofofua matutua, le ala na ia vaai ai i le mana o Iesu Keriso ma Lana Togiola o fesoasoani i talavou matutua e faatoilalo ia taunuuga o agasala faalefeusuaiga.
Laveaiina mai Tulaga e Lei Faamoemoeina
-
I le “O Le Mea na Aoaoina Ai Au e le Manaoga Faapitoa o Lo’u Afafine e uiga i le Alofa Tunoa,” na saunoa ai Jeffrey S. McLellan e uiga i le ala na ia iloa ai auala e mafai ai e le alofa tunoa o le Faaola ona faamaloloina o tatou loto nutimomoia. Faitau e uiga i se aafiaga talitutusa o ni tamaitai se toalua i le “How the Savior’s Grace Applies to Both Me and My Family Member with a Disability” saunia e Bruna F. Gonçalves.
-
I le “Experiencing Christ’s Power as an Amputee with Same-Sex Attraction,” o loo faamatala ai e Sheyla Ruiz Leon le ala e mafai ai e faigata tatou te feagai i le olaga ona fesoasoani ia i tatou e o mai ia Keriso ma maua le filemu ia te Ia.
-
I le “Agai i Luma ina ua mavae le Tatalaga o La’u Faaipopoga Lona Lua,” na talanoaina ai e Logan Steele le auala na fesoasoani ai ia te ia le faia o ni laasaga faigofie, faatasi ai ma le Faaola e fai ma ona taiala, ia te ia e agai ai i luma ina ua ia le iloa le isi mea e fai.
-
I le “You Love, He Saves,” o loo talanoaina ai e Krista Rogers Mortensen le ala na fesoasoani ai Keriso ia te ia e suia lona loto a o tatalo o ia ina ia suia loto o lana fanau ina ua latou tuua le Ekalesia. I le “How My Heart Changed When My Brother Left the Church,” ua faasoa mai ai e Anja Dgg Mathiesen se aafiaga faapena i le la sootaga ma lona tuagane.
-
I le “O La Tatou Tafatolu Atoatoa o le Faamoemoe ma le Faamalologa,” o loo faamatala ai e Angela Andrea Fernandez Rios le ala na aumaia ai e le faatuatua, tatalo, anapogi, ma le mana o le perisitua ia vavega a lona aiga e ala i le mana o le Atua.
Laveaiina mai le Atuatuvale, Tuuatoatasi, ma le Faanoanoa
-
I le “Na Iu Lava Ina Ou Tautino Atu Sa ia te Au le Atuatuvale. Christ Helped Me Out of the Darkness,” Ua faamatala mai e Nifae Tangalin le ala na mafai ai e le liliu atu i le Tama Faalelagi, Iesu Keriso, ma i latou na siomia o ia ona maua le faamoemoe ma le faamalologa i le lotolotoi o le atuatuvale tele.
-
I le “The Lord Stood by Me,” ua faasoa mai ai e Elodie McCormick le ala na laveaiina ai o ia e le Tama Faalelagi mai le tuuatoatasi e ala i le auaunaga a i latou sa siomia ai o ia a o toesea lona toalua mo se tausaga i le tautua faamiliteli.
-
I le “Being Single Reminds Me To Trust God’s Whole Plan for Me,” o loo faamatala ai e se tasi o tagata matua nofofua le ala na ia faatoilaloina ai le faanoanoa o le le faaipoipo e ala i le sailia o le finagalo o le Atua mo lona olaga ma le faalagolago i Lana fuafuaga ma le taitaiga.
-
I le “How the Book of Mormon Helped Me through Social Isolation,” o loo talanoa ai Wlaldiane Kássia Bandeira Barros Da Silva e uiga i le malosi sa ia maua mai le faitauina o afioga a le Atua i tusitusiga paia i vaitau o le faaesea faaagafesootai.
-
I le “Finding Spiritual Support after Joining the Church Alone,” ua faasoa mai ai e Marcus Grant le ala na saunia ai pea e le Tama Faalelagi mo ia se tasi e tuuina atu ia te ia le malosi.
Laveaiina mai le Uu a le Lalolagi
-
I le “Aisea Ua Tatou I Ai Iinei?” Ua faasoa mai e Gregorio Rivera le ala na uunaia ai o ia ma lona faletua e le Alii e siitia atu i se nofoaga fou e fesoasoani ai ia i latou e toe taulai atu i mea a le Atua ma faalatalata atili atu ia te Ia o se aiga.
-
I le “Faamolemole Toe Foi Mai,” ua faasoa mai ai e Carlos Ferreira le ala na avea ai le toe toaga mai i le talalelei a Iesu Keriso ma mea tonu lava sa ia manaomia e faamanuia ai lona aiga ina ua mamafatu le lalolagi ia i latou.