O I Ai Se Mea e Ta’u Mai e le Alii ia te A’u?

Saunia e Delbert H. Strasser

Mulimuli ane, i le 90 o ona tausaga, na maua ai e lo’u tina lona faamanuiaga faapeteriaka.

Ata

tamaitai olomatua

Atapue na faaali e tagata faataitai

O lo’u tina, o Makerita, na siitia mai Suitiselani i le Iunaite Setete o se tamaitai talavou. E lei leva lena, ae i ai sona taimi faatulagaina e maua ai lona faamanuiaga faapeteriaka. Ae ina ua alu o ia e feiloai ma le peteriaka, sa lei i ai o ia iina. Po o le a lava le mafuaaga, sa lagona e lo’u tina le pei o lena mea o le faamaoniga lea sa lei i ai i se mea e ta’u atu e le Alii ia te ia, ma na te lei toe faatulagaina lava sona taimi faatulagaina.

Mai lea taimi i lea taimi i le aluga o tausaga, ou te fautua atu ai i lo’u tina e toe mafaufau o ia i le mauaina o lona faamanuiaga. O ia o se tasi o tamaitai sili ona faatuatua ua ou iloaina. Ae peitai, sa matuai lotomaualalo lava o ia ma sa ia tali mai sa le’i onomea o ia mo se mea faapitoa mai le Alii. Na te lei manaomia se faamanuiaga, o lana tala lea, aua sa na o ia o se teine faatauvaa. Ma sa le afaina ia te ia lena mea.

Mulimuli ane, ina ua 90 ona tausaga, sa ma faatalitonuina o ia e faatulaga se taimi faatulagaina ma lona peteriaka. O le mea malie foi, sa i ai foi se faaletonu i le fesootaiga ma le peteriaka lea, ma ina ua alu atu Tina, sa lei iai le peteriaka i le aai. “Vaai la!” o lana tala lea. “Sa ou fai atu ia te oe e le o i ai i le Alii se mea faapitoa e ta’u mai ia te au.”

O le mea e lelei ai, sa mafai ona la feiloai ma le peteriaka i le vaiaso na sosoo ai. Ina ua tuuina atu le faamanuiaga, sa faatumulia i meaalofa, folafolaga, ma faamatalaga auiliili e uiga i lona olaga lea sa matua patino lava, ma e na o le silafia e le Alii o ia e mafai ona oo mai ai.

“Ou te matea la sa i ai lava se mea i le Alii e tau mai ia te au,” sa ia fai mai ai.

Ua manino ia te a’u e silafia e le Alii i tatou taitoatasi. Ma pe o e i ai i le amataga o lou olaga po o le faaiuga, e alofa tele o Ia ia te oe ma o loo ia te Ia se fautuaga taua e tuuina atu ia te oe e ala i lou peteriaka.

E alala le tusitala i Iuta, ISA.

Faamanuiaga i le Olaga Atoa

Saunia e Christy Monson, Mekasini a le Ekalesia

O nisi nei o auala ua faamalosia ai tagata matutua ou te iloa ona o o latou faamanuiaga faapeteriaka:

“I le popofou o lo’u olaga, sa ou tauivi ai ma lagona le lelei o le tāua o le tagata lava ia. Ae sa ta’u mai e lo’u faamanuiaga ia te a’u e uiga i uiga patino na vaaia e le Tama Faalelagi ia te a’u. Sa ou faia se lisi o uiga auaumama taitasi. A o ou suesueina lenei lisi i le gasologa o tausaga, ua ou vaai ia te a’u lava e pei ona silasila mai le Atua ia te a’u.
“O lou faamanuiaga na folafola mai ia te a’u o le a ma ola ma lou toalua ma le faaaloalo ma le alofa tutusa mo le tasi ma le isi. Ae sa taumamao ese lo’u toalua mai le aiga ma atiina ae se vaisu. Sa ou ta’u atu i le Alii o le a ou faia mea uma i lo’u malosi e faia ai le folafolaga i lo’u faamanuiaga ia taunuu. Ae sa ou ta’u atu ia te Ia e tatau ona Ia taitaia o’u tulagavae. Ua tele tausaga, ae ua ma faatoilaloina ma lo’u toalua ia faafitauli, ua felata’i atili, ma tumau faamaoni. Ou te iloa na tuuina mai e le Tama Faalelagi ia te a’u lena folafolaga i lo’u faamanuiaga e fesoasoani ia ou ola ai.”
O se isi tamalii ou te iloa na auai i le Ekalesia ina ua 89 ona tausaga. Sa aafia lona tino i le kanesa. Ae o lona faamanuiaga faapeteriaka na folafola mai o le a alu o ia i le malumalu. I le aluga o taimi, sa lava lona malosi e nofo ai i se nofoa faataavalevale. Sa maua ona faaeega paia ma faamauina i lona toalua ae lei leva ona ia maliu ai lea.

O faamanuiaga faapeteriaka e mai le Atua e aoao ai i tatou ma aumaia ai ia i tatou le mafanafana, filemu, ma le taitaiga. A o tatou faasolosolo matutua ma toe tepa i tua, e mafai ona tatou vaaia le aao o le Alii i o tatou olaga e ala i o tatou faamanuiaga faapeteriaka.