Veikacivi Vou

Elder Ahmad S. Corbitt

Vakaitutu Raraba ena Vitusagavulu

E kaya o Elder Ahmad S. Corbitt ni veiqaravi e veiyasai vuravura vaka daunivakasala ena Mataveiliutaki Raraba ni Cauravou a vukea na kena kau mai ki na nona veikacivi vou “e dua na kaukauwa levu cake me vakarorogo ki na veidusimaki kei na veituberi vakaparofita kei na iapositolo ena toroicake ni veikauwaitaki kei na vakabauta.”

A kacivi me veiqaravi ena Mataveiliutaki Raraba ni Cauravou ena Epereli 2020, sa vakayagataka oti o Elder Corbitt na tolu na yabaki sa oti me cakacaka vata kei ira na iliuliu ni itabagone tale eso me vaqaqacotaka na itabatamata ka tubucake tiko oqo ka sureti ira me ra vakaitavi vagumatua ena cakacaka ni veivakabulai kei na bula vakacerecerei.

“Au sega ni vakabauta ni yalo ni vakusakusa meu vaqaqacotaki ira na itabatamata ka tubucake tiko oqo ena sega ni vakalailaitaki,” a kaya. “Era na iliuliu vinaka cake mai vei keda baleta ni ra na tubu cake ena madigi eso mera cakava na cakacaka ni veivakabulai kei na bula vakacerecerei ena sala e cecere ka savasava cake.”

A sucu o Ahmad Saleem Corbitt, 60, ena ika 16 ni Okosita, 1962, vei rau o James Earl Corbitt kei Amelia Corbitt, e Philadelphia, Pennsylvania, Amerika. Ena ika 18 ni nona siganisucu, a lewena o Ahmad na Lotu, ena nona muri tinana kei na so na tacina ki na wai ni papitaiso. A papitaiso o tamana vakacabecabe ena yabaki ka tarava.

Ni oti na vuli ena Ricks College (ka sa o Brigham Young Universsity–Idaho tu ni kua) kei na veiqaravi ena tabana ni kaulotu na Puerto Rico San Juan Mission mai na 1982 ki na 1984, a sotavi Jayne Joslin o koya ena dua na ilakolako ni valetabu ni itabagone qase cake. Erau a vakamau na rua ena Okosita ni 1985 ena Valetabu e Washington DC. Erau nodratou itubutubu e ono na gone.

O Elder Corbitt a rawata na koroi mai na univesiti ka kilai tu ni kua me o Stockton University e New Jersey kei na univesiti ni lawa na Rutgers University School of Law. Sa veiqaravi oti vaka peresitedi ni tabana ni kaulotu ena Dominican Republic Santo Domingo East Mission, peresitedi ni iteki, daunivakasala ena rua na mataveiliutaki ni iteki, kei na lewe ni matabose e cake.

A sa cakacaka oti o Elder Corbitt vaka loya ena mataveilewai, ena veimaliwai raraba ka vaka matanitu talega, ka a dairekita ni Valenivolavola ni Lotu ni Veika Raraba kei na Veika ni Veimatanitu, ka kenadau ni kaulotu ena iwasewase.