Ripote ni 2022: Nodra Vukei na Vakaleqai Tu

Na ripote vakayabaki ni Lotu ni 2022 ena nodra vukei o ira era vakaleqai tu e vakaraitaka ni cakacaka oqo e oka kina e sivia na $1 na bilioni na vakayagataki ilavo, 6.3 na milioni na auwa e volodiataki, kei na 3,692 na veivakatorocaketaki raraba ena 190 na matanitu kei na veivanua.

A vagolei na ilavo ki na veivuke mai na isolisoli ni lolo, veivuke raraba ki na kawatamata, na iyaya e veisoliyaki mai na lololo ni bisopi kei na sitoa ni Deseret Industries, kei na cakacaka me vaka na iteitei, veivanua ni vakarautaki kakana, veivakasalataki ni Veiqaravi ni Matavuvale, kei na valenivolavola ni veivakacakacakataki.

Na isolisoli vakailavo levu duadua e solia na Lotu ena 2022 e oka kina e $32 na milioni ki na Parokaramu ni Kakana e Vurara (World Food Programme) (WFP) kei na $5 na milioni ki na parokaramu ni kakana bulabula e vuravura raraba ni UNICEF, ka veivuke vei ira na gonelalai era kana vaka ca.

“Edau lomani ira na gonelalai o Jisu,” a kaya na Peresitedi Raraba ni iSoqosoqo ni Veivukei o Camille N. Johnson ena gauna a kacivaki kina na cau ki na WFP. “E tagi ni raici ira ni ra viakana. Ka dau rekitaka o Koya na sasaga lailai duadua mera vukei kina.”

Eso tale na isolisoli levu e oka kina e $5.1 na milioni ki na Kauveilatai Damudamu e Amerika (me ikuri ni 1 na milioni na uniti na dra ka soli mai vei ira na Yalododonu Edaidai) kei na $5 tale na milioni ki na Rotary International me baleta na polio kei na icula vei ira na tina mei itatarovi ni cuqa vei ira na gonelalai.

Na Lotu a solia edua na cau levu vakailavo me vukei ira tamata ka sa tubu cake tikoga na kedra iwiliwili era vakaleqai ena leqa tubukoso kei veisaqasaqa vakaivalu. Oqo e oka kina na veivakacegui vei ira na ise ni valu mai Ukureni; ira na bula mai na sunami e Toga; ira na vakaleqai ena cava mai Kenitaki, Florida, na Ceva kei Aferika; kei ira na vakaleqai ena veivala vakamatatamata ena Matanitu Tugalala e Koqo.

“Na loloma kei na gagadre me veivuke sa veiuabaleti ni laurai,” a kaya o Julia, edua na lewe ni Lotu e Austria ka vukei ira na ise ni valu ena vica na veimatanitu ena Tokalu kei Iurope. “A yaco me veivolekati na yalodra na tamata.”

A veivuke talega na Lotu me vakadrodroi na livaliva kina dua na nodra itikotiko na Navajo e Uta, ka ra cakacaka vata na leweni Lotu kei ira na Sikhs ena dua na cakacaka ni veiqaravi ena United Arab Emirates. Era a duavata na Yalododonu Edaidai kei na NAACP ena cakacaka ni veiqaravi vakaitikotiko vei ira na tina e Memphis e Tenesi, Amerika, kei ira era gadreva na kakana bulabula e San Francisco, California. Kei na Misini Dausoli Ka ni Vakararamataka na Vuravura (Light the World Giving Machines) a kumuni ilavo me voli kakana kei na so tale na iyaya vei ira era vakaleqai tu ena 28 na veivanua e veiyasai vuravura.

Na 6.3 na milioni na auwa vaka voladia ka soli ena 2022 e oka kina na iteitei ni veiqaravi, loga ni kau vuata, vanua ni tawaitinitaki kakana, kei na sitoa ni Deseret Industries, tabana ni kaulotu me vukei ira na vakaleqai tu, kei na sasamaki ni oti na leqa tubukoso.

Me ikuri ni 3,692 na cakacaka ni veiqaravi raraba, e 16,285 na cakacaka ni veiqaravi vou a vakarautaka na JustServe.org, na isotasota sega ni saumi ena initaneti ni voladia ni Lotu ka tiko ena 14 na matanitu. Na parokaramu oqo e semati ira na tamata ki na madigi ni veiqaravi ka veisotari kei na veika era taleitaka kei na vanua era tiko kina.

Na Bisopi Vakatulewa o Gérald Caussé e vakatoka na JustServe “na itosotoso kei na sala meda bulataka kina na noda veiyalayalati” ka “vakalougatataka ka vaqaqacotaka na [noda] itikotiko raraba” (ena “The Blessings Will Follow: Benefits of Implementing JustServe” [vidio], ChurchofJesusChrist.org).

E tomana tale tikoga na Lotu na nona cakacaka ni dauniyautaki ni veikabuli e vakavolivoliti keda tu. Me tekivu mai na 2018, sa vakalailaitaka na itikotiko liu ni Lotu na vakayagataki ni wai e veiyabaki ena 38 na milioni na qaloni. Sa sivia oqo e 500 na valenisoqoni e vuravura raraba sa tiko kina sola. A vakavinakataka na Deseret Industries e 73 na milioni na iyaya vakayagataki oti. Kei na Sitoa ni Lotu ka dau Tabaka ka Veivotayaka a vakayagataka tale e voleka ni 4,000 na tani na pepa, kaukamea, kateni, kei na palasitika.