Elder J. Kimo Esplin

Vakaitutu Raraba ena Vitusagavulu

Ni oti toka e vica na vula ena nona vakacavara na nona kaulotu, a sotava o Elder J. Kimo Esplin e dua na vakacalaka ka a mate sara kina o tamana. Ni oti ga e vica tale na vula, ni dabe tikivi koya toka o tinana, e laucoqa mai muri na nona motoka. E tavuki na motoka ka rau mate kina o tinana kei vugona yalewa.

E dina ni sotava na dredre kei na rarawa, e dau okati koya tu ga o Elder Esplin me tamata kalougata. E vakatabakiduataka na vakasama oya o koya kinana Nona vinaka kei na yalo loloma na Turaga.

“Sa vinaka tu na bula,” a kaya o koya.

E dua na nona ivosavosa taleitaki sa ikoya na “E sega ni vakayacora tiko ya na Turaga vei iko; sa cakava tiko o Koya ena vukumu”.

Ena vuku ni nodrau takali na nona itubutubu, e rau a vakauti koya na ganena qase me lako ivuli ivanua tani ena Brigham Young University e Jerusalemi. E kea, e sotavi Kaye Davis kina.

E yaco merau veitokani vinaka sara nira keba tiko na nodrau ilawalawa ena vanua dravuisiga e Sainiai, rau cakacaka vata ena loga ni vei jaina, ka vulica vata na Veiyalayalati Makawa kei na Veiyalayalati Vou.

Nirau lesu tale i Provo, Uta, rau sa tekivu veigadivi. E rau vakamau ena Valetabu e Salt Lake ena Tiseba ni 1985. E walu na luvedrau.

A sucu o Jon Ross Kimo Esplin ena ika 18 ni Okosita, 1962, mai Kahuku, Hawaii, Amerika. A gone duadua o koya—ka tagane duadua ga—vei iratou na luvedrau e lewe walu o Ross S. kei Olive Ora Moody Esplin.

A rawata o Elder Esplin e dua na koroi vaka-daunifika mai na Brigham Young University ena 1987. Ni tokitaka oti na nona matavuvale i Chicago, Illinois, a tekivuna na nona cakacaka ena baqe ni vakatubuilavo ka rawata sara e dua na koroi cecere ni veiliutaki vakabisinisi.

Ni yaco me ivukevuke ni peresitedi liu o Elder Esplin ka vakailesilesi liu ni veika vakailavo ena Huntsman Corporation, e ratou a toki na nona matavuvale i Belgium me dua na gauna lekaleka ni bera ni ratou qai mai vakaitikotiko e Cottonwood Heights, Uta.

O Elder Esplin, e dua na Vitusagavulu ni iWasewase ena gauna a kacivi kina me Vakaitutu Raraba ena Vitusagavulu, a veiqaravi vaka peresitedi ni tabana ni kaulotu ena Japan Tokyo kei na Japan Tokyo South Missions. E a veiqaravi vaka daukaulotu tudei ena Tabana ni Kaulotu e Kobe Japani. Sa veiqaravi oti talega vaka peresitedi ni iteki, lewe ni matabose e cake, kei na bisopi.