Rau Veisiko ki Aferika o Peresitedi Johnson kei Peresitedi Cordon

Oi rau na Peresitedi Raraba ni iSoqosoqo ni Veivukei kei na Goneyalewa erau a gole ki na tokalau kei na lomai Aferika ena Maji me sota kei ira Yalododonu Edaidai kei ira na iliuliu ni matanitu ka sikova talega na veivanua ka dau ciqoma na veivuke raraba. Na Peresitedi Raraba ni iSoqosoqo ni Veivukei o Camille N. Johnson kei na Peresitedi Raraba ni Goneyalewa o Bonnie H. Cordon rau a tekivutaka na nodrau ilakolako ni veiqaravi ciwa-na siga mai Nairobi, Kenya.

A gole o Peresitedi Cordon ki Kenya, Uganda, na Matanitu Tugalala e Koqo, kei na Matanitu o Koqo. “Keirau a vosa vei ira na iliuliu ni matanitu ka tiko vei ira na gagadre me ra vukea na matavuvale, ka keirau sa qoroqoro sara vakalevu vei ira na iliuliu era vinakata me ra muri Jisu Karisito,” a kaya o Peresitedi Cordon. “Me vaka ni da iliuliu ka yavutaki ena vakabauta, eda wasea vata e dua na lalawa me veivuke ena na tarai cake ni matavuvale, ka sa totoka dina.”

A gole o Peresitedi Johnson ki na vuaicake kei Uganda vata kei na UNICEF (ka kilai tu me ilavo ni veimatanitu cokovata mera vukei kina na gone ena gauna ni leqa tubukoso, ia oqo sa kilai tu me ilavo ni veimatanitu cokovata me nodra na gone) ka sota kei ira na Yalododonu Edaidai e Lubumbashi, kei na Matanitu Tugalala e Koqo. “Oqo e dua na sasaga mera okati kina na sega ni lewenilotu me ra walia na leqa—na gadrevi ni veivuke raraba—mai vei ira na gone e vuravura, ka keirau a kunei ira. E a lagilagi dina,” a kaya o Peresitedi Johnson ena ilakolako vata kei na UNICEF. E a veivakatakatari ka vakamosiyalo ena gauna vata oya, ia au a biubiu mai kea ena vakanuinui.”