Ripote mai na Tabacakacaka ni Dikevi Fika ni Lotu, 2022
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Veitacini: Me vaka e tukuni mai na ivakatakila ena ika 120 ni wase ni Vunau kei na Veiyalayalati, na Matabose ni Vakayagataki iKatini—ka lewena na Mataveiliutaki Taumada, na Kuoramu ni iApositolo Le Tinikarua kei na Matabisopi Vakatulewa—ena vakadonuya na vakayagataki ni ilavo ni Lotu. Na veitabana ni Lotu era dau vakayagataka na ilavo sa vakadonui mai na ilavo vakarautaki ka sala vata kei na lawatu kei na kena ivakarau.
Na Tabacakacaka ni Dikevi Fika ni Lotu, ka ra lewena na kenadau vakaivola ka sa tu vakataki koya mai na tabacakacaka kece tale eso ni Lotu, e sa lesi me qarava na dikevifika ena inaki ni kena vakarautaki na veivakadeitaki matau me baleta na veicau e ciqomi, na vakayagataki lavo e vakayacori, kei na taqomaki ni iyau taukeni ni Lotu.
Ni yavutaki mai na dikevi fika sa vakayacori, sa nanuma kina na Tabacakacaka ni Dikevi Fika ni Lotu ni, ena kena ivalavala kece sara, na cau kece e ciqomi, na ilavo vakayagataki, kei na iyauqaqa ni Lotu me baleta na yabaki 2022 era sa vakaivolataki ka qaravi ena ivakarau me salavata kei na iwalewale ni tuvailavo ni Lotu, lawatu kei na iwalewale vakafika. Na Lotu e vakamuria na ivakarau ka vakatavulica vei ira na lewena me ra bula ena loma ni dua na ilavo vakarau, levea na dinau, ka mamaroroi me baleta na gauna ni leqa.
Vakasavui ena vakarokoroko,
Tabacakacaka ni Dikevi Fika ni Lotu
Jared B. Larson
Manidia Dairekita