Karon Mao ang Adlaw sa Pagpakigbahin sa Ebanghelyo sa Manluluwas,” Liahona, Hulyo 2024.
Welcome Niini nga Isyu
Karon Mao ang Adlaw sa Pagpakigbahin sa Ebanghelyo sa Manluluwas
Si Presidente Russell M. Nelson mipahayag,“Wala pa gayoy panahon sa kasaysayan sa kalibotan nga ang kaalam bahin sa atong Manluluwas adunay mas personal nga kaimportante ug may kalabotan ngadto sa matag kalag sa tawo” (“Putli nga Kamatuoran, Putli nga Doktrina, ug Putli nga Pagpadayag,” Liahona, Nob. 2021, 6). Kini mao ang rason nganong kita modawat sa imbitasyon ug sugo sa Manluluwas sa pagpakigbahin sa Iyang ebanghelyo (tan-awa sa Mateo 28:19).
Mapasalamaton kami sa matag batan-ong lalaki ug batan-ong babaye kinsa nagserbisyo og usa ka pangtudlo o usa ka pangserbisyo nga misyon, apan sama sa akong gipamahayag sa akong artikulo niini nga isyu, “Kita nagkinahanglan pa og dugang, daghan pa, sa pangunahan—usa ka kasundalohan sa mga misyonaryo ug mga miyembro.”
“Karon mao ang adlaw,” ako mopakigbahin usab, “alang kanato nga makapakita og kinaiya ug kaisog ug sa pagpakigbahin sa ebanghelyo ni Jesukristo” (pahina 40). Samtang kamo magtuon sa misyonaryo nga mga paningkamot ni Ammon, Abish, ug sa uban diha sa Basahon ni Mormon niini nga bulan, ako modapit kaninyo sa pagpamalandong kon sa unsang paagi kamo makapakigbahin sa hingpit nga kalipay sa ebanghelyo sa Manluluwas uban niadtong nagpalibot kaninyo.
Elder Eduardo Gavarret
Sa Seventy
“Ayaw pagsulti og lain gawas sa paghinulsol ngadto niini nga kaliwatan. Paghupot sa akong mga sugo, ug tabang sa pagpalakaw sa akong buhat, sumala sa akong mga sugo, ug ikaw panalanginan.”
Gilitratohan ni Matthew Reier