Ang Simbahan Ania Dinhi

Nairobi, Kenya

mapa nga gisirkulohan ang Kenya

gazelle diha sa kasagbotan nga adunay tag-as kaayo nga mga bilding sa luyo

Ang unang duha ka tawo nga mipasakop sa Ang Simbahan ni Jesukristo sa mga Santos sa Ulahing mga Adlaw didto sa Kenya nabunyagan ug nakompirmahan niadtong 1979. Pagkasunod tuig ang unang duha ka misyonaryo, senior nga magtiayon, miabot sa Kenya. Pagka 1981 naporma ang duha ka branch, sa Nairobi ug Kiboko. Karon, ang Simbahan didto sa Kenya adunay:

• 17,430 ka miyembro (gibanabana)

• 2 ka stake, 57 ka ward ug mga branch, 1 ka misyon

• 1 ka templo gipahibalo (Nairobi)

Pagkaplag og Hingpit nga Kalipay diha sa Ginoo

Isip usa ka bag-ong miyembro sa Simbahan, si Gladys Ondwari nakakaplag og hingpit nga kalipay diha sa ebanghelyo bisan kon mag-atubang siya og mga pagsulay: “Malipayon kaayo ko! Ang Ginoo mibukas sa akong mga mata sa husto nga higayon. Nasayod ko nga si Jesukristo mao ang akong kadangpan kon lisod ang mga butang.”

babaye nagpahiyom nga nagsul-ob og apron

Litrato pinaagi ni Lucy Stevenson Ewell

Dugang pa mahitungod sa Simbahan didto sa Kenya

• Usa ka batan-ong lalaki nga gikan sa Kenya nagserbisyo og misyon didto sa amihanang kasadpan sa Estados Unidos, diin nakatabang siya sa African nga mga bakwit.

• Usa ka mubo nga profile ug pagpamatuod gikan sa usa ka batan-ong babaye nga nagpuyo sa Kenya.

• Usa ka batan-ong lalaki nga nagpuyo sa Kenya nagpakigbahin kon sa unsang paagi si Kristo nakapalig-on kaniya sa pagbuhat sa lisod nga mga butang.

• Samtang gisunod nila ang ebanghelyo, ang mga miyembro sa Kenya nagmugna og mga kadangpan gikan sa mga pagpamugos sa kalibotan.

• Usa ka propesor sa kasaysayan sa Simbahan nagsugilon sa pagtubo sa Simbahan didto sa Chyulu, Kenya.

talan-awon sa dakbayan sa Nairobi

Sentro sa dakbayan sa Nairobi. Ang unang stake sa Simbahan didto sa Kenya naorganisar didto sa Nairobi niadtong Sept. 9, 2001.

Si Elder Sitati ug trabahante sa dapit sa konstruksiyon alang sa templo

Samtang nagserbisyo isip Presidente sa Africa Central Area, si Elder Joseph W. Sitati, usa ka lumad sa Kenya, milibot sa dapit sa konstruksiyon alang sa Nairobi Kenya Temple kuyog ang ubang mga lider sa Simbahan niadtong Mayo 21, 2022.

duha ka lalaki nga magkaubang naglingkod

Ang pagpadala og impormasyon ngadto sa laing tawo bahin sa family history importante. Adunay lima ka sentro sa FamilySearch sa Kenya, ug ang mga tawo nga gitudlo moadto sa lainlaing dapit ug mokolekta sa giasoy nga mga kasaysayan nga ilang mapreserbar alang sa umaabot nga mga henerasyon.

inahan ug duha ka batang babaye

Ang Simbahan nagsugod sa Kenya nga ang mga miyembro magpundok diha sa mga panimalay. Karon, adunay kapin sa 50 ka kongregasyon sa mga Santos ang nagpundok sa Kenya.