Pagkaadik
Mga Pagpasidungog

Mga Pagpasidungog

Ang Pagkaayo pinaagi sa Manluluwas: Ang Programa aron Maulian Gikan sa Pagkaadik 12 ka Lakang nga Giya aron Maulian mipahiangay sa orihinal nga 12 ka lakang sa Alcoholics Anonymous World Services, Inc. ngadto sa usa ka estraktura sa mga dokrina, mga baroganan, ug mga gituohan sa Ang Simbahan ni Jesukristo sa mga Santos sa Ulahing mga Adlaw. Ang orihinal nga 12 ka lakang gilista sa ubos, ug ang 12 ka lakang nga gigamit niini nga programa makita sa tanang nahibilin niini nga giya.

Ang 12 ka lakang giimprinta pag-usab ug gipahiangay uban sa pagtugot sa Alcoholics Anonymous World Services, Inc. (AAWS). Ang pagtugot nga iimprinta pag-usab ug ipahiangay ang 12 ka lakang wala magpasabot nga ang AAWS mirebyo o miaprobar sa mga sulod niini nga publikasyon o nga ang AAWS kinahanglang mouyon sa mga panglantaw nga gipahayag dinhi. Ang Alcoholics Anonymous (AA) usa ka programa sa pagpaningkamot aron maulian gikan sa pagkapalahubog lamang. Naggamit sa 12 ka lakang ingon nga may kalabotan sa mga programa ug mga kalihokan nga gisunod sa AA apan nagtubag sa ubang mga problema, o sa bisan unsang dili pang-AA nga konteksto, wala magpasabot og lahi niini. Dugang pa, samtang ang AA usa ka espirituwal nga programa, ang AA dili relihiyoso nga programa. Sa ingon, ang A.A. dili konektado o kaabin sa bisan unsang sekta, denominasyon, o sa piho nga relihiyosong tinuohan.

Ang 12 ka lakang sa Alcoholics Anonymous:

  1. Kami miangkon nga wala kami gahom batok sa alkohol—nga lisod nga idumala ang among kinabuhi.

  2. Mituo nga usa ka Gahom nga labaw pa kay sa among kaugalingon ang makapabalik kanamo ngadto sa maayong pangisip.

  3. Mihimo og desisyon nga isalig ang among kabubut-on ug ang among kinabuhi ngadto sa pag-alima sa Dios sumala sa among pagsabot Kaniya.

  4. Mihimo og masuhiron ug walay kahadlok nga moral nga pag-imbentaryo sa among kaugalingon.

  5. Miangkon ngadto sa Dios, sa among kaugalingon, ug sa laing tawo kon unsa ang tukma nga matang sa among mga kasaypanan.

  6. Hingpit nga andam nga tangtangon sa Dios kining tanan nga mga depekto sa karakter.

  7. Mapainubsanong mihangyo Kaniya sa pagtangtang sa among mga kakulangan.

  8. Mihimo og lista sa tanang tawo nga among napasakitan, ug matinguhaon nga itul-id ang mga sayop nga nabuhat ngadto kanilang tanan.

  9. Direkta nga mitul-id sa mga sayop nga nabuhat ngadto sa mga tawo kon mahimo, gawas kon ang pagbuhat niini makapasakit kanila o sa uban.

  10. Mipadayon sa paghimo og personal nga imbentaryo ug sa dihang kami nasayop dali nga miangkon niini.

  11. Nagtinguha pinaagi sa pag-ampo ug pagpamalandong nga mapalambo ang tinuyo nga pagkontak sa Dios sumala sa among pagsabot Kaniya, nga mag-ampo lamang alang sa kasayoran sa Iyang kabubut-on alang kanamo ug sa gahom sa pagtuman niana.

  12. Kay nakaangkon og usa ka espirituwal nga pagkahigmata isip resulta niini nga mga Lakang, naningkamot kami sa pagdala niini nga mensahe ngadto sa mga palahubog, ug sa paggamit niini nga mga baroganan sa tanan namong buluhaton.

Alcoholics Anonymous World Services, Inc.®