Pagkaayo pinaagi sa Manluluwas: Ang Programa aron Maulian gikan sa Pagkaadik

Ang 12 ka Lakang

Lakang 1: Modawat nga kita, sa atong kaugalingon, walay gahom sa pagbuntog sa atong mga pagkaadik ug nga ang atong kinabuhi dili na makontrolar

Lakang 2: Motuo nga ang gahom sa Dios makapahiuli kanato ngadto sa hingpit nga espirituhanong kahimsog

Lakang 3: Mohukom nga itugyan ang atong mga kabubut-on ug ang atong kinabuhi ngadto sa pag-atiman sa Dios, ang Mahangtorong Amahan, ug Iyang Anak si Jesukristo

Lakang 4: Mohimo og masiksikon ug walay kahadlok nga sinulat nga moral nga imbentaryo sa atong kaugalingon

Lakang 5: Moangkon sa atong kaugalingon, ngadto sa atong Langitnong Amahan pinaagi sa ngalan ni Jesukristo, ngadto sa tukmang awtoridad sa pagkapari, ug ngadto sa laing tawo sa eksaktong matang sa atong mga sayop

Lakang 6: Magmahimong hingpit nga andam nga ang Dios motangtang sa atong tanang kahuyang sa karakter

Lakang 7: Mohangyo sa Langitnong Amahan sa mapaubsanong paagi nga tangtangon ang tanan natong pagkulang

Lakang 8: Mohimo og nakasulat nga lista sa tanang tawo nga atong napasakitan ug magmahimong andam nga mohimo og pagpakig-uli ngadto kanila

Lakang 9: Bisan asa kutob sa mahimo, himoon ang direktang pagpahiuli ngadto sa tanang tawo nga atong napasakitan

Lakang 10: Ipadayon ang paghimo og personal ang imbentaryo, ug kon sayop kita, dawaton dayon kini

Lakang 11: Magtinguha pinaagi sa pag-ampo ug pagpamalandong nga masayod sa kabubut-on sa Ginoo ug aron makabaton og gahom sa pagbuhat niini

Lakang 12: Kay nakaangkon og espirituwal nga pagkahigmata tungod sa Pag-ula ni Jesukristo, isip resulta sa paghimo niining mga lakang, ipakigbahin nato kini nga mensahe ngadto sa uban ug gamiton kini nga mga baroganan sa tanan nga atong buhaton