1 Nifae 4-5

Nifae ma Papatusi Apamemea

Aoao ia mulimuli i le Agaga

Sa toe foi Lamana, Lemuelu, Sama, ma Nifae i Ierusalema i le po. Na alu Nifae i le fale o Lapana a o lalafi ona uso i fafo o le aai.

1 Nifae 4:4–5

Na tuu atu e Nifae i le Agaga e taitaia o ia. Na te le’i iloa le mea e tatau ona ia faia, ae sa ia iloa o le a fesoasoani le Alii ia te ia e aumai papatusi apamemea.

1 Nifae 4:6

Ina ua latalata atu Nifae i le fale o Lapana, sa ia mauaina Lapana i luga o le eleele. Sa onā Lapana. Na vaai Nifae i le pelu a Lapana ma uu mai i luga.

1 Nifae 4:7--9

Ao tilotilo atu Nifae i le pelu, sa ta’u atu e le Agaga ia te ia e fasioti ia Lapana. Ae sa le’i manao Nifae e fasioti o ia. Na ta’u atu e le Agaga ia Nifae e sili atu le oti o Lapana nai lo le le maua e le aiga o Nifae o tusitusiga paia. Sa latou manaomia poloaiga a le Atua na tusia i luga o papatusi apamemea.

1 Nifae 4:10–11, 13–17

Na iloa e Nifae sa taumafai Lapana e fasioti o ia. Sa gaoi foi e Lapana a latou meatotino ma sa le usitai i poloaiga a le Atua.

1 Nifae 4:11

Na toe ta’u atu e le Agaga ia Nifae e fasioti Lapana. Na iloa e Nifae na saunia e le Alii se ala mo ia e maua ai papatusi apamemea. Sa ia filifili e usitai i le Agaga. Na fasioti e Nifae ia Lapana ma ofu i ofu o Lapana.

1 Nifae 4:12–13, 17–19

Ona alu atu lea o Nifae i le faleteuoloa a Lapana ma feiloai ai ma le auauna a Lapana o Sorama. Sa amio Nifae ma tautala e pei o Lapana.

1 Nifae 4:20-23, 35

Na ta’u atu e Nifae ia Sorama na ia manaomia papatusi apamemea. Ona fai atu lea o Nifae ia Sorama la te o ma ia. Sa manatu Sorama o Nifae o Lapana lea, o lea sa ia faia ai le mea na manao ai Nifae.

1 Nifae 4:24–26

Ina ua o mai Nifae ma Sorama mai le aai, sa manatu Lamana, Lemuelu, ma Sama o Nifae o Lapana. Sa latou fefefe ma amata ona taufetuli ese.

1 Nifae 4:28

Na valaau atu Nifae i ona uso Ina ua latou iloa o Nifae, sa latou le toe tamomoe loa. Ona fefe lea o Sorama ma taumafai e toe foi atu i Ierusalema.

1 Nifae 4:29–30

Na taofi e Nifae Sorama Sa ia ta’u atu ia Sorama ua poloaiina i latou e le Alii e aumai papatusi. Sa ia valaaulia Sorama e o ma i latou i le nuu folafolaina. Na iloa e Sorama e mafai ona avea o ia ma se tagata saoloto, ae le o se auauna, ma folafola atu e o faatasi ma Nifae ma lona aiga.

1 Nifae 4:31–37

Sa latou toe malaga atu ia Liae ma Sarai. Sa fiafia tele Liae ma Sarai e vaai i o la atalii. Sa faapea Sarai ua maliliu lana fanau tama. Ona sa tausia e le Alii le saogalemu o ona atalii, o lea ua ia talitonu ai na poloaiina lo latou aiga e tuua Ierusalema. Na osi atu e le aiga o Liae ma Sarai ni taulaga e faafetai ai i le Alii.

1 Nifae 4:38; 5:1–9

Na faitau Liae i papatusi apamemea. Sa ia vaaia o papatusi o loo i ai aoaoga a perofeta. Sa ia aoaoina foi o se tasi o ona tuaa o Iosefa, o lē sa faatauina atu i Aikupito e ona uso i se taimi ua leva. Sa iloa e Liae e taua tele papatusi apamemea. Sa ia iloa e finagalo le Alii i lona aiga ia maua poloaiga.

1 Nifae 5:10-22