Alema 39–42

Korianetona

O le toe liliu atu i le Alii

O Korianetona o se tasi o atalii o Alema. Sa latou o ma lona tamā, lona uso o Sepulona, ma isi e aoao atu se vaega o tagata na ta’ua o sa Soramā e uiga i le talalelei a Iesu Keriso.

Alema 31:5–7; 32:1

A o i ai Korianetona ma tagata, sa faaosoosoina o ia e fai le agasala. Nai lo le usitai i le Alii, sa ia filifili e faia mea e faasagatau i poloaiga a le Atua. Ona o le mea sa ia faia, sa le talitonu ai nisi o sa Soramā i mea na aoao atu e Alema ma ona atalii.

Alema 39:2–5, 11–12

Na valaaulia e Alema Korianetona ia salamo ma liliu atu i le Alii mo le faamagaloga. Sa popole Korianetona i vaega o le fuafuaga a le Alii. Na fesoasoani Alema i lona atalii ia malamalama i le fuafuaga o le fiafia a le Alii, Togiola a Keriso, toetu, ma le olaga pe a mavae le oti. Sa faamanatu atu e Alema ia te ia e i ai se galuega a le Alii mo ia e fai.

Alema 39:7–9, 13–19; 40–42

Sa faalogo Korianetona i lona tamā. Sa faatuatua o ia ia Iesu ma salamo i ana agasala. Sa ia iloa o le Alii sa tonu ma alofa ma agalelei foi. Sa toe aoao atu Korianetona faatasi ma lona tamā ma lona uso. Sa latou aoaoina le toatele o tagata e uiga i le olioli ma le filemu o le salamo ma le ola ai i le talalelei a Iesu Keriso.

Alema 42:30–31; 43:1–2; 48:17–18