2 Nifae 4–5

O Se Aiga Fou i le Nuu Folafolaina

O sa Nifaē ma sa Lamanā

Sa faatupulaia pea le aiga o Liae ma Sarai i le nuu o le folafolaga. Sa maua e le la fanau ni a latou lava fanau. Na faasolo ina matua Liae. A o le’i maliu o ia, sa ia tuuina atu faamanuiaga i tagata o lona aiga. Sa ia ta’u atu ia i latou afai latou te tausia poloaiga a le Atua, o le a fesoasoani le Alii ia i latou.

2 Nifae 4:3–12

Ina ua mavae le maliu o Liae, sa taitai e Nifae le nuu. Sa ia ta’u atu ia i latou e usitai i le Alii. Sa feita Lamana ma Lemuelu. Sa la mananao e fasioti Nifae ina ia mafai ai ona la taitai.

2 Nifae 4:13; 5:1–4

Na ta’u atu e le Alii ia Nifae e o ese ma lona aiga ma soo se isi lava tagata na manao e mulimuli i le Alii. Sa latou malaga mo le tele o aso ma maua ai se nofoaga fou e nonofo ai.

2 Nifae 5:1, 5–8

O i latou o e na o ma Nifae sa taua o sa Nifae, ma o i latou o e na nonofo sa taua o sa Lamana. Sa fai atu sa Nifae ia Nifae e taitai i latou. Sa latou galulue malosi. Sa latou faifaatoaga, fai lafumanu, ma fausia se malumalu ma isi fale. Sa aoao i latou e ositaulaga ma aoao e uiga i le Alii, ma sa fiafia tagata.

2 Nifae 5:9–11, 13–17, 26–27