Enosa 1

Enosa

O se tatalo malosi i le Alii

Enosa o loo tulimanu

Na tuuina atu e Iakopo papatusi i lona atalii o Enosa. Sa tusitusi ai i luga Enosa e pei ona sa faia e Iakopo. I se tasi aso, na alu ai Enosa e tulimanu i le vao. Sa ia manatua mea na aoao atu e lona tamā e uiga i le Alii. Na aoao atu e Iakopo ia Enosa o le mulimuli i le Alii o le a aumaia ia te ia le olioli.

Iakopo 7:27; Enosa 1:2–3

Enosa o loo tatalo i le ao

Sa manao Enosa ia lagona le olioli lea na talanoa e uiga i ai lona tamā. Sa tonu ia te ia e tatalo i le Alii. Sa tatalo o ia i le ao seia oo i le po.

Enosa 1:3–4

Enosa o loo tilotilo i luga

Sa ta’u atu e le Alii ia Enosa ua faamagaloina ana agasala. Sa lagona e Enosa le fiafia tele. Sa faamanuiaina Enosa ona o lona faatuatua ia Iesu Keriso.

Enosa 1:3, 5–8

Enosa o loo tatalo i le po.

Na manao Enosa ia lagona foi e sa Nifaē lenei fiafia. Sa ia tatalo pea. Sa ia ole atu i le Alii ia lagona e sa Nifaē lea lava olioli e tasi.

Enosa 1:9

Enosa o foliga fiafia

Na tau atu e le Alii ia Enosa o le a faatasi o Ia ma sa Nifaē pe afai latou te tausia Ana poloaiga. Ina ua faalogo Enosa i lenei mea, sa oo ina malosi tele atu lona faatuatua i le Alii.

Enosa 1:10–11

Enosa o loo tusitusi i luga o papatusi auro

Sa toe tatalo foi Enosa. Sa ia ole atu i le Alii e faamanuia sa Lamanā ma ia tausisia le saogalemu o tusitusiga i luga o papatusi. Sa manao o ia ia mafai e sa Lamanā ona faitau i papatusi ma talitonu ai i le Alii. Na folafola atu e le Alii ia Enosa o le a faitauina e sa Lamanā tusitusiga i se aso.

Enosa 1:11–17