Mosaea 19–22

Tupu o Noa ma le Tupu o Limae

Sosola mai sa Lamana

Ua uu e Kitiona se pelu ma tu i tafatafa o se olo, ma o loo i ai Noa i le olo ma faasino atu i se autau a sa Lamana

Na pulea e le Tupu o Noa se vaega o sa Nifae. Sa ia faia le tele o mea leaga, ma sa feitai nisi tagata ia te ia. Sa tau se tagata e igoa ia Kitiona ma Noa i se pelu. Sa sola ese Noa ma ae i luga o se olo. Mai le olo, sa ia vaaia ai se autau a sa Lamana o o mai. Na faafoliga Noa ua fefe o ia mo lona nuu, o lea na tuu atu ai e Kitiona o ia e ola.

Mosaea 11:1–2; 19:2–8

Ua sola ese Noa, ma ua fefefe le nuu o Noa

Sa sosola ese Noa ma ona tagata. Peitai sa tuliloa i latou e sa Lamanā ma amata ona osofaia i latou. Sa ta’u atu e Noa i tamaloloa e tuua o latou aiga ae o faatasi ma ia.

Mosaea 19:9–11

Ua feagai Limae, Kitiona, ma isi sa Nifae ma le autau a sa Lamana

O nisi tamaloloa na o ese faatasi ma Noa. Ae o le toatele o alii na filifili e nonofo ma o latou aiga. Sa filifili foi Limae le atalii o Noa e nofo.

Mosaea 19:12, 16–17

o tamaitai o loo tutu i luma o Limae ma isi sa Nifae

E toatele afafine sa tutu i luma o le autau ma fai atu ia sa Lamana e aua nei faatiga i o latou aiga. Sa faalogo sa Lamana i afafine ma tuu atu i sa Nifae e ola. Nai lo lena, na pueina e sa Lamana sa Nifae.

Mosaea 19:13–15

Ua feita Noa ma ona tagata i le tasi ma le isi

O alii na sosola ese na mananao e toe foi atu i o latou aiga. Sa taumafai Noa e taofi i latou, o lea na fasiotia ai o ia e tamaloloa. Ona latou toe foi atu lea i o latou aiga.

Mosaea 19:18–22

ua faafeiloai e tagata sa Nifae o latou aiga ma Kitiona

Sa fiafia tele tamaloloa ona sa saogalemu o latou aiga. Sa latou ta’u atu ia Kitiona le mea na tupu ia Noa.

Mosaea 19:22–24

Ua avatu e Limae meaai ma manu a sa Lamana

Sa filifili e tagata ia Limae e avea ma o latou tupu fou. Sa folafola atu e Limae i le tupu o sa Lamana o le a latou totogi atu le afa o mea uma sa latou umia. O le taui, na folafola atu e le tupu o sa Lamana o le a ia le faatiga i le nuu o Limae.

Mosaea 19:25–27

Ua foliga faanoanoa Limae ma lana avā, ma e toatele sa Nifae ua tiga

Sa latou ola i le filemu mo ni nai tausaga. Ona amata lea ona leaga le taulimaina e sa Lamana o le nuu o Limae. Sa mananao tagata ia toe saoloto. Sa latou taumafai e tau ma sa Lamana, ae na faiaina i latou. Sa tatalo tagata i le Atua mo se fesoasoani.

Mosaea 19:29; 21:1–15

Ua talanoa Limae ma Amona

I se tasi aso, na asiasi atu ai se sa Nifae e igoa ia Amona ia Limae ma lona nuu. Na sau Amona mai se laueleele e igoa o Saraemila. Sa fiafia Limae ua vaai ia Amona.

Mosaea 21:22–24

Ua talanoa Kitiona, Limae, Amona, ma isi sa Nifae

Na mafai e Amona ona taitai atu le nuu o Limae i Saraemila, ae sa tatau ona latou sosola ese muamua mai ia sa Lamana. Sa i ai se fuafuaga a Kitiona.

Mosaea 21:36; 22:1–9, 11

Ua momoe leoleo sa Lamanā, ma ua tuua e sa Nifaē le aai

I le po, na tuuina atu ai e Kitiona i leoleo sa Lamana se uaina faaopoopo ina ia latou momoe ai. A o momoe leoleo, sa sosola ese Limae ma ona tagata uma mai le aai.

Mosaea 22:7, 10–12

Ua faafeiloai e le Tupu o Mosaea ma lona nuu ia Limae ma lona nuu

Sa latou o atu i Saraemila ma faatasi atu ma sa Nifae iina. Sa aoao atili Limae ma lona nuu e uiga i le Atua. Sa latou osia se feagaiga, po o se folafolaga faapitoa, e auauna atu i le Atua ma usitai i Ana poloaiga. Sa papatisoina i latou ma avea ma tagata o le Ekalesia a le Atua. Sa latou manatua na fesoasoani le Atua ia i latou e sosola ese mai ia sa Lamana.

Mosaea 21:32–35; 22:13–14; 25:16–18