“O Le Faatuatua o se Masiofo,” Tala o le Tusi a Mamona (2023)
“O Le Faatuatua o se Masiofo,” Tala o le Tusi a Mamona
O Le Faatuatua o se Masiofo
Mauaina o le olioli ia Iesu Keriso
Sa pule se masiofo sa Lamana faatasi ma lana tane, o le Tupu o Lamonae. Na talosagaina e le tupu se sa Nifaē e igoa ia Amona e aoao o ia e uiga i le Alii. Sa talitonu le tupu i le mea na ta’u atu e Amona ia te ia. Sa tootuli le tupu e tatalo ma ole atu i le Alii e faamagalo o ia. A o tatalo o ia, sa pa’u le tupu i le eleele. Na foliga mai sa maliu o ia.
Sa ave atu o ia e auauna a le tupu i le masiofo. Sa latou tuu o ia i luga o lona moega. Sa taoto o ia iina ma sa le’i minoi mo ao e lua ma po e lua.
I lena taimi, sa faanoanoa tele le masiofo ma lana fanau. Sa latou nonofo i le tupu ma fetagisi ia te ia. Fai mai nisi tagata ua tatau ona falelauasi le tupu. Ae sa manao le masiofo e talanoa muamua ia Amona. Sa faalogo o ia o loo ia te ia le mana o le Atua. Sa talosagaina e auauna a le masiofo ia Amona e sau i le masiofo.
Sa ta’u atu e le masiofo ia Amona sa ia faalogo o ia o se perofeta a le Atua. Sa ia fai atu ia Amona e alu e vaai le tupu. Na iloa e Amona o loo soifua le tupu. O le mana o le Atua na mafua ai ona moe le tupu. Sa ta’u atu e Amona i le masiofo o le a ala i luga lona toalua i le aso e sosoo ai.
Sa faatuatuaina e le masiofo ia Amona ma sa i ai lona faatuatua tele i le Atua. Sa talitonu o ia o le a ala i luga lana tane i le aso e sosoo ai. Na fai atu Amona na faamanuiaina o ia ona o lona faatuatua. Sa ia ta’u atu i le masiofo e tele atu lona faatuatua nai lo ona lava tagata. Sa faalatalata atu le masiofo ma vaa lana tane i le po atoa.
O le aso na sosoo ai, na ala a’e ai le tupu. Sa ia ta’u atu i le masiofo na ia vaai ia Iesu Keriso. Sa iloa e le masiofo ma le tupu le tele o le alofa o Iesu ia i latou, ma sa faatumulia i laua i le olioli.