1 Nifayi 4–5

UNifayi naMacwecwe Obhedu

Ukufunda ukulandela uMoya

ULeymeni, uLemuweli, uSem, noNifayi babuyela eYerusalem ebusuku. UNifayi waya endlwini kaLabhan ngelixa abantakwabo babezimele ngaphandle kwesixeko.

1 Nifayi 4:4–5

UNifayi wavumela uMoya ukuba umkhokele. Wayengazi ukuba kumele enzo ntoni, kodwa wayeyazi ukuba iNkosi yayiza kumnceda afumane amacwecwe obhedu.

1 Nifayi 4:6

Xa uNifayi wayekufuphi nendlu kaLabhan, wafumana uLabhan emhlabeni. ULabhan wayenxilile. UNifayi wabona ikrele likaLabhan waze walichola.

1 Nifayi 4:7–9

Njengokuba uNifayi wayejonge ekreleni, uMoya wamxelela ukuba abulale uLabhan. Kodwa uNifayi akazange afune ukumbulala. UMoya waxelela uNifayi ukuba kwakungcono ukuba uLabhan afe kunokuba usapho lukaNifayi lungabi nazo izibhalo. Babedinga imiyalelo kaThixo eyayibhalwe kumacwecwe obhadu.

1 Nifayi 4:10–11, 13–17

UNifayi wayesazi ukuba uLabhan wazama ukumbulala. ULabhan kananjalo wayebile izinto zabo kwaye akayithobela imiyalelo kaThixo.

1 Nifayi 4:11

UMoya waxelela uNifayi kwakhona ukuba ambulale uLabhan. UNifayi wayesazi ukuba iNkosi yayimlungiselele indlela yokufumana amacwecwe obhedu. Wakhetha ukuthobela uMoya. UNifayi wambulala uLabhan waza wanxiba iimpahla zikaLabhan.

1 Nifayi 4:12–13, 17–19

UNifayi emveni koko waya kwindawo yokugcina ubutyebi bukaLabhan waza wadibana nesicaka sikaLabhan uZorami. UNifayi wenza kwaye wathetha njengoLabhan.

1 Nifayi 4:20–23, 35

UNifayi waxelela uZorami ukuba ufuna amacwecwe obhedu. Waza uNifayi waxelela uZorami ukuba eze kunye naye. UZorami wayecinga ukuba uNifayi wayenguLabhan, ngoko ke wenza le nto uNifayi wayeyifuna.

1 Nifayi 4:24–26

Xa uNifayi noZorami bephuma esixekweni, uLeymeni, uLemuweli, noSem bacinga ukuba uNifayi wayenguLabhan. Boyika baza baqalisa ukubaleka.

1 Nifayi 4:28

UNifayi wabiza abantakwabo. Xa babesazi ukuba yayinguNifayi, bayeka ukubaleka. Kodwa ke uZorami woyika kwaye wazama ukubuyela phakathi eYerusalem.

1 Nifayi 4:29–30

UNifayi wammisa uZorami. Waxelela uZorami ukuba iNkosi ibayalela ukuba bafumane amacwecwe. Wamema uZorami ukuba ahambe nabo baye kwilizwe lesithembiso. UZorami wayesazi ukuba angaba yindoda ekhululekileyo, angabi sisicaka, kwaye wathembisa ukuhamba noNifayi nosapho lwakhe.

1 Nifayi 4:31–37

Bahamba babuyela kuLihayi noSaraya. ULihayi noSaraya bavuya kakhulu ukubona oonyana babo. USaraya wayecinga ukuba oonyana bakhe bafile. Ngenxa yakuba iNkosi yayibagcine bekhuselekile oonyana bakhe, ngoku wayenethemba lokuba intsapho yabo yayiyalelwe ukuba imke eYerusalem. Usapho lukaLihayi noSaraya lanikela amadini ukubulela iNkosi.

1 Nifayi 4:38; 5:1–9

ULihayi wawafunda amacwecwe obhedu. Wabona ukuba amacwecwe aneemfundiso zabaprofeti. Kananjalo wafunda ukuba omnye wookhokho bakhe nguYosefu, owathengiswa ngabantakwabo eYiputa kudala. ULihayi wayesazi ukuba amacwecwe obhedu ayebalulekile kakhulu. Wayesazi ukuba iNkosi yayifuna usapho lwakhe lube nemithetho.

1 Nifayi 5:10–22