USaraya

Uhambo lomfazi lokholo

USaraya wayehlala eYerusalem nosapho lwakhe. Umyeni wakhe, uLihayi, wayengumprofeti kaThixo. Ngenye imini, iNkosi yaxelela uLihayi ayishiye iYerusalem kunye nosapho lwakhe.

1 Nifayi 2:1–3

USaraya wayenokholo eNkosini. Yena nosapho lwakhe balishiya ikhaya labo. Bashiya igolide nesilivere yabo ukuze bahambe noLihayi entlango.

1 Nifayi 2:4–5

USaraya noLihayi bathabatha ukutya nezinye izinto ababezidinga. Emva kokuba behambe iintsuku ezininzi, baxhoma iintente ukuza bahlale entlango. Emveni koko bakha isibingelelo samatye, babulela iNkosi ngoncedo lwaYo.

1 Nifayi 2:4, 6–7, 15

Ngenye imini iNkosi yacela oonyana bakaSaraya noLihayi ukuba babuyele eYerusalem ukuya kuthatha amacwecwe obhedu. USaraya woyika xa oonyana bakhe bengazange babuye. Wayecinga ukuba bafile. ULihayi wamthuthuzela uSaraya. Bakhetha ukuthemba ukuba iNkosi iya kubakhusela oonyana babo.

1 Nifayi 3:1–2, 4–6; 5:1–6

Wavuya uSaraya ekubuyeni koonyana bakhe, bevela eYerusalem. Ngoku wayesazi ukuba iNkosi yayibakhusele. Wayethemba ukuba iNkosi iyakubanika amandla okwenza oko Yona ibacelayo. Usapho lonke lukaSaraya lwalonwabile, kwaye bayibulela iNkosi.

1 Nifayi 5:7–9