Alma 30

U-Alma noKorihor

Ukholo lokuba uThixo ungowenene

Indoda egama linguKorihor yeza kwilizwe laseZarahemla. Yena waxelela abantu ukuba uThixo noYesu Krestu abakho ngokwenene.

Alma 30:6, 12, 37–38, 45

UKorihor waye wathi abantu banokuyazi into kuphela xa beyibonile. Waye wahlekisa ngabantu ababekholelwa kuYesu.

Alma 30:13–16

UKorihor wathi abantu babengayidingi imiyalelo kaThixo. Wathi abantu babenokwenza nantoni na abayifunayo. Abantu abaninzi baye bamkholelwa. Bagqiba kwelokuba benze izinto ezingalunganga.

Alma 30:17–18

UKorihor wazama ukufundisa ama-Antayi-Nifayi-Lihayi, kodwa awazange amkholelwe. Baye bambophelela baze bamthumela ngaphandle. Waya kwilizwe likaGidiyon endaweni yoko. Naphaya abantu bambophelela. Baye bamthumela ku-Alma.

Alma 30:19–29

UKorihor waxelela u-Alma ukuba uThixo akayonyani. Wathi u-Alma nabanye ababingeleli babexokisa abantu. UKorihor wathi babesenza abantu balandele izithethe ezingabhadlanga. Wakutsho nokokuba babethatha imali ebantwini. U-Alma wayekwazi ukuba oku kwakungeyonyani. Yena wayekholelwa kuThixo.

Alma 30:30–40

U-Alma wathi abaprofeti nento yonke esemhlabeni inceda abantu ukuba bamazi ukuba uThixo ukhona. UKorihor wayefuna ubungqina obungaphaya. U-Alma wathi uzakumnika uKorihor ubungqina. Yena wathi uThixo wayeza kumenza angakwazi ukuthetha uKorihor. Ngoko nangoko akuthetha oko u-Alma, uKorihor waye wangakwazi ukuthetha.

Alma 30:41–50

UKorihor wabhala ukuba wayesazi ukuba uThixo ukhona. Yena wayehleli esazi. Wabhala ukuba umtyholi waye wamkhohlisa. Umtyholi waxelela uKorihor ukuba afundise ubuxoki ngoThixo noYesu. Bakufunda inyaniso abantu malunga noKorihor, baye abazikholelwa iimfundiso zakhe. Baye baguquka baze baqalisa ukulandela uYesu kwakhona.

Alma 30:52–53, 57–58