Alma 51–52

UTiyanikumi

Ukhusela abantu bakhe

UTiyanikumi wayeyinkokheli kumkhosi woMphathi-mikhosi uMoronayi. Yena wayezama ukugcina izixeko zamaNifayithi zikhuselekile kumaLeymenayithi.

Alma 50:35; 52:19

U-Amalikhaya wayeliNifayithi elaba ngukumkani wamaLeymenayithi. Wayefuna ukuwalawula nawo amaNifayithi. Yena waye wahlasela amaNifayithi kwaye wathabatha ulawulo lwezixeko ezininzi.

Alma 47:1, 35; 48:1–4; 51:23–28

Umkhosi kaTiyanikumi waye wathintela umkhosi ka-Amalikhaya ekuhlaseleni izixeko zamaNifayithi.

Alma 51:28–30

Le mikhosi yalwa imini yonke. UTiyanikumi nomkhosi wakhe balwa ngamandla nesakhono esibalaseleyo kunalowo ka-Amalikhaya. Kodwa akukho mkhosi waphumelelayo. Kwakuba mnyama, yomibini imikhosi yayeka ukulwa ukuze iphumle.

Alma 51:31—32

Kodwa uTiyanikumi akazange aphumle. Yena nesicaka sakhe baya kwinkampu ka-Amalikhaya ngokufihlakeleyo.

Alma 51:33

UTiyanikumi wachwechwela ngaphakathi kwintente ka-Amalikhaya. Yena waye wambulala u-Amalikhaya phambi kokuba u-Amalikhaya avuke. Emva koko uTiyanikumi wabuyela kwinkampu yakhe waze waxelela amajoni wakhe ukuba azilungiselele ukulwa.

Alma 51:33–36

Ukuvuka kwawo amaLeymenayithi, afumanisa ukuba u-Amalikhaya wayefile. Baye babona nokuba uTiyanikumi nomkhosi wakhe babekulungele ukulwa.

Alma 52:1

AmaLeymenayithi ayesoyika kwaye aye abaleka. Icebo likaTiyanikumi lawenza amaLeymenayithi oyika kakhulu ukuhlasela ezinye izixeko zamaNifayithi. UTiyanikumi ngoku wayenexesha lokwenza izixeko zamaNifayithi sikhuseleke ngakumbi. Waye wasebenza nzima ukuze akhusele abantu bakhe. Yena waye wakwazi ukugcina izixeko ezininzi zamaNifayithi zikhuselekile.

Alma 52:2–10