UYesu Usikelela Abantwana

Ebonisa uthando lwaKhe kubo

UYesu Krestu ume kwizinyuko zetempile kwaye uthetha neqela labantu

UYesu Krestu wayebafundise abantu izinto ezinizi. Wababona ukuba babedinga ixesha lokucinga ngezinto ababezifundile. Wabacela ukuba baye ekhaya kwaye bathandaze kuBawo waseZulwini ukuze baqonde oko Yena wayebafundise kona. Emva koko uYesu wabathembisa ukuba ndwendwela kwakhona ngosuku olulandelayo.

3 Nifayi 17: 1–4

UYesu Krestu uyancuma kwaye wonyusa izandla zaKhe.

Abantu bakhala kuba babefuna uYesu ahlale nabo ithuba elide. UYesu wayebathanda abantu. Wayebona ukuba ukholo lwabo lwalomelele kakhulu. Wabacela ukuba bazise kuye nabani na ogulayo okanye owenzakeleyo nangayiphi na indlela. Wayefuna ukubaphilisa ngamnye wabo.

3 Nifayi 17:5–8

UYesu Krestu unceda umntwana ogulayo, kwaye abanye abantwana bakufutshane kwaye bancumile

Abantu baze kuYe kunye namalungu entsapho zabo nezihlobo. UYesu wabaphilisa bonke. Babenwanile kakhulu. Baguqa baphuza iinyawo zaKhe.

3 Nifayi 17:9–10

UYesu Krestu uthetha nomntwana, kwaye abantu bahlanganisana ngokurhangqa uYesu nabantwana babo

UYesu wabacela bazise abantwana babo abancinci kuYe. Abantu babazisa abantwana babo kwaye bababeka phantsi berhangqe uYesu.

3 Nifayi 17:11–12

UYesu Krestu uyaguqa kwaye athandaze, kwaye abantwana nabantu abadala baguqa ngakuYe kwaye bathandaze

Emva kokuba bonke abantwana belapho kunye naye, uYesu wacela abantu ukuba baguqe emhlabeni. Waguqa naYe. Emveni koko Yena waze wathandaza kuBawo waseZulwini. Wathetha izinto ezimangalisayo kangangokuba amazwi akhe ayengenakubhalwa phantsi. Abantu bazaliswa luvuyo.

3 Nifayi 17:13–18

UYesu Krestu uyancuma, kwaye kwehla inyembezi esweni laKhe

UYesu wabaxelela abantu ukuba basikelelekile ngenxa yokholo lwabo kuYe. UYesu wava olona vuyo lukhulu kangangokuba waqalisa ukulila.

3 Nifayi 17:19–21

UYesu Krestu wanga umntwana, kwaye abanye abantwana bakufutshane kwaye bancumile

Emva koko uYesu wasikelela umntana ngamnye ngamnye. Wathandazela kuBawo waseZulwini omnye nomnye wabo. Emva koko Yena wacela abantu ukuba babajonge abantwana babo.

3 Nifayi 17: 21–23

UYesu Krestu uthetha nabantwana, kwaye iingelosi ziyehla esibhakabhakeni zize zihlanganisele ngokurhangqa abantwana

Iingelosi zeza zivela ezulwini kwaye zahlanganisa ngokurhangqe abantwana. Njengoko iingelosi zazisikelela abantwana, ukukhanya kwasezulwini kwabajikeleza. Ngolunye usuku, uYesu wadibana nabo kwaye wabasikelela abantwana kwakhona. Wabasikelela kananjalo abantwana ukuba bakwazi ukuthetha. Kwathetha neentsana. Abantwana bafundisa abazali babo izinto ezimangalisayo.

3 Nifayi 17:23–25; 26:14–16