1 Nifayi 7

U-Ishmayeli noSapho Lwakhe

Ukumanya uhambo oluya kwilizwe lesithembiso

USapho lukaLihayi noSaraya laluhlala lodwa entlango. Ngenye imini, iNkosi yaxelela uLihayi ukuba athumele oonyana bakhe, uLeymeni, uLemuweli, uSem, noNifayi, eYerusalem. Bathunyelwa ukuba baye kucela u-Ishmayeli nosapho lwakhe ukuba luzimanye nabo. Kunye iintsapho zabo babenokukhulisa abantwana kwilizwe lesithembiso.

1 Nifayi 7:1–3

U-Ishmayeli nosapho lwakhe babefuna ukulandela iNkosi. Bakholelwa ukuba iNkosi yayifuna ukuba bazimanye nosapho lukaLihayi noSaraya. Bakhetha ukushiya iYerusalem baze bahlangane noLihayi entlango.

1 Nifayi 7:4–5

Ekuhambeni kwabo, abanye abantu abazange bafune ukuthobela. Babefuna ukubuyela emva ekhaya. UNifayi wabacela ukuba babe nokholo eNkosini.

1 Nifayi 7:6–13

UNifayi wathi iNkosi ingenza nantoni na ukuba babenokholo. Kodwa uLeymeni noLemuweli babenomsindo. Bambophelela uNifayi kwaye bafuna ukumshiya entlango.

1 Nifayi 7:12, 16

UNifayi wathandazela uncedo. Iintambo zaye zakhululeka, waza uNifayi wema ngeenyawo. Kodwa uLeymeni noLemuweli babesafuna ukumenzakalisa. Enye yeentombi zika-Ishmayeli yamkhusela uNifayi. Unina nomnye wabantakwabo bamthethelela. ULeymeni noLemuweli baphulaphula kwaye bayeka ukuzama ukwenzakalisa uNifayi.

1 Nifayi 7:17–19

ULeymeni noLemuweli bazisola ngento ababeyenzile. Bacela uNifayi ukuba abaxolele. UNifayi wabaxolela abantakwabo. Emva koko uLeymeni noLemuweli bathandaza kwaye bacela iNkosi ukuba ibaxolele.

1 Nifayi 7:20–21

Bonke baqhubeka nohambo lwabo baza bafika ententeni kaLihayi noSaraya Ekugqibeleni, ezi ntsapho zombini zazikunye. Bayibulela iNkosi, kwaye bayinqula Yona.

1 Nifayi 7:21–22