“Sariah,” Mga Sugilanon sa Basahon ni Mormon
“Sariah,” Mga Sugilanon sa Basahon ni Mormon (2023)
Sariah
Usa ka panaw sa hugot nga pagtuo sa usa ka babaye
Si Sariah nagpuyo sa Jerusalem kauban sa iyang pamilya. Ang iyang bana, si Lehi, usa ka propeta sa Dios. Usa ka adlaw, ang Ginoo misulti kang Lehi sa pagbiya sa Jerusalem kauban sa iyang pamilya.
Si Sariah adunay hugot nga pagtuo sa Ginoo. Siya ug ang iyang pamilya mibiya sa ilang panimalay. Gibiyaan nila ang ilang mga bulawan ug pilak aron mokuyog ni Lehi ngadto sa kamingawan.
Si Sariah ug Lehi nanguha og pagkaon ug ubang mga butang nga ilang gikinahanglan. Human nga nakabiyahe sila sulod sa daghang adlaw, mipahimutang sila og mga tolda aron makapuyo sa kamingawan. Dayon nagtukod sila og altar ug nagpasalamat sa Ginoo sa Iyang tabang.
Usa ka adlaw ang Ginoo mihangyo kang Sariah ug sa mga anak nga lalaki ni Lehi sa pag-adto sa Jerusalem sa pagkuha sa mga palid nga tumbaga. Nahadlok si Sariah dihang ang iyang mga anak nga lalaki wala makabalik. Nagtuo siya nga patay na sila. Si Lehi mihupay ni Sariah. Gipili nila ang pagsalig nga ang Ginoo mopanalipod sa ilang mga anak nga lalaki.
Si Sariah napuno sa kamaya dihang ang ilang mga anak nga lalaki nabalik gikan sa Jerusalem. Karon nasayod siya nga ang Ginoo nanalipod kanila. Misalig siya nga ang Ginoo mohatag nila og gahom sa paghimo sa unsay Iyang gihangyo. Ang tibuok pamilya ni Sariah nangalipay, ug nagpasalamat sila sa Ginoo.