“Enos,” Mga Sugilanon sa Basahon ni Mormon (2023)
“Enos,” Mga Sugilanon sa Basahon ni Mormon
Enos
Usa ka hugot nga pag-ampo ngadto sa Ginoo
Si Jacob mihatag sa mga palid ngadto sa iyang anak nga si Enos. Si Enos misulat diha niini sama sa gibuhat ni Jacob. Usa ka adlaw, si Enos miadto sa pagpangayam sa kakahoyan. Nahinumdoman niya ang gitudlo sa iyang amahan mahitungod sa Ginoo. Natudloan ni Jacob si Enos nga ang pagsunod sa Ginoo magdala kaniya og hingpit nga kalipay.
Si Enos gustong mobati sa hingpit nga kalipay nga gipamulong sa iyang amahan. Mihukom siya nga mag-ampo sa Ginoo. Nag-ampo siya sa tibuok adlaw ug hangtod sa gabii.
Gisultihan sa Ginoo si Enos nga ang iyang mga sala napasaylo na. Mibati si Enos og labihang kalipay. Napanalanginan si Enos tungod sa iyang hugot nga pagtuo ni Jesukristo.
Si Enos gusto nga ang mga Nephite mobati usab niiini nga kalipay. Padayon siya sa pag-ampo. Gipangayo niya sa Ginoo nga ang mga Nephite mobati usab sa samang kamaya.
Ang Ginoo misulti kang Enos nga ubanan Niya ang mga Nephite kon motuman sila sa Iyang mga sugo. Dihang nadungog ni Enos kini, ang iyang hugot nga pagtuo sa Ginoo mas nalig-on pa gayod.
Si Enos nag-ampo og usab. Gihangyo niya ang Ginoo nga panalanginan ang mga Lamanite ug maampingan nga luwas ang sinulat nga naa sa mga palid. Gusto siya nga ang mga Lamanite makabasa sa mga palid ug motuo sa Ginoo. Ang Ginoo misaad kang Enos nga ang mga Lamanite mobasa sa mga sinulat sa moabot nga adlaw.