Alma 30

Alma ug Korihor

Hugot nga pagtuo nga ang Dios tinuod

si Korihor nagpahiyom ug nakig-istorya sa usa ka tawo samtang sila dungan nga naglakaw diha sa samok nga dalan

Usa ka tawo nga ginganlan og Korihor ang miadto sa yuta sa Zarahemla. Giingnan niya ang katawhan nga ang Dios ug si Jesukristo dili tinuod.

Alma 30:6, 12, 37–38, 45

si Korihor nagpahiyom ug misenyas sa usa ka masulub-on nga bata

Si Korihor miingon nga mahibaloan lang sa mga tawo ang usa ka butang kon ila kining makita. Iyang gibugalbugalan ang mga tawo nga mituo ni Jesus.

Alma 30:13–16

si Korihor nagpahiyom ug nakig-istorya sa pundok sa katawhan

Miingon si Korihor nga wala na kinahanglana sa katawhan ang mga sugo sa Dios. Miingon siya nga ang mga tawo makabuhat sa bisan unsa nga ilang gusto. Daghang tawo ang mituo niya. Mihukom sila nga mohimo og dili maayo nga mga butang.

Alma 30:17–18

si Korihor nga gigapos ug gipalakaw sa mga sundalo pagawas sa balangay

Si Korihor misulay sa pagtudlo sa mga Anti-Nephi-Lehi, apan wala sila motuo kaniya. Siya gigapos nila ug mipalayas kaniya. Miadto hinuon siya sa yuta sa Gideon. Ang katawhan didto migapos usab niya. Siya gipadala nila ngadto ni Alma.

Alma 30:19–29

si Korihor mipahiyom ug misenyas ni Alma

Gisultihan ni Korihor si Alma nga ang Dios dili tinuod. Miingon siya nga si Alma ug ang ubang mga pari namakak sa katawhan. Si Korihor miingon nga ilang gipasunod ang katawhan og binuang nga mga tradisyon. Siya usab miingon nga sila nanguha og kwarta gikan sa katawhan. Si Alma nakahibalo nga dili kini tinuod. Siya mituo sa Dios ug ni Jesus.

Alma 30:30–40

si Alma nakig-istorya sa pundok sa katawhan samtang si Korihor naglingkod sa likod nga nagkyugpos ang mga bukton

Si Alma miingon nga ang mga propeta ug tanan nga anaa sa kalibotan motabang sa katawhan nga makahibalo nga tinuod ang Dios. Si Korihor gusto og dugang pa nga pruweba. Si Alma miingon nga hatagan niya si Korihor og pruweba. Siya miingon nga himoon sa Dios nga si Korihor dili na makasulti. Diha dayon sa pagsulti ni Alma niini, si Korihor dili na makasulti.

Alma 30:41–50

si Korihor magul-anon tan-awon ug mitudlo sa usa ka piraso nga papel nga adunay gisulat samtang usa ka pundok sa katawhan ang mibiya kaniya

Gisulat ni Korihor nga nakahibalo siya nga tinuod ang Dios. Nakahibalo na gayod siya niana. Gisulat niya nga giilad siya sa yawa. Ang yawa misulti ni Korihor nga magtudlo og mga bakak mahitungod sa Dios ug ni Jesus. Sa dihang ang katawhan nakahibalo sa kamatuoran mahitungod ni Korihor, wala na sila motuo sa iyang mga gipanudlo. Sila naghinulsol ug nagsugod sa pagsunod na usab ni Jesus.

Alma 30:52-53, 57–58