Ang mga Zoramita

Nagpalig-on sa ilang hugot nga pagtuo diha ni Jesukristo

Si Amulek, Alma, Corianton, ug uban pang mga Nephita mibiyahe ngadto sa usa ka siyudad

Usa ka grupo sa katawhan sa Nephita nga gitawag og mga Zoramita wala nagsunod sa mga sugo sa Ginoo. Nakapahimo kini ni Alma nga nagmagul-anon. Nasayod siya nga ang labing maayong paagi sa pagtabang kanila mao ang pagtudlo kanila sa pulong sa Dios. Nakig-uban siya ni Amulek ug sa uban pa sa pagtudlo kanila.

Alma 31:2–11

Sila si Alma ug Amulek magul-anon nga tan-awon, ug ang mga tawo nga maayo og panapot mibaliwala sa mga tawo nga nanginahanglan

Ang mga Zoramita nakahibalo mahitungod sa Dios apan miusab sa Iyang mga pagtulun-an. Nagsimba sila og mga dios-dios. Nagtuo sila nga mas maayo sila kay sa ubang tawo. Dili usab sila maayo ngadto sa mga tawo nga walay kwarta.

Alma 31:1, 8–12, 24–25; 32:2–3

maayo og mga beste nga mga Zoramita nagbarog diha sa taas nga bantawan sa taliwala sa daghang tawo ug mopataas sa ilang mga bukton ngadto sa langit

Ang mga Zoramita nagtukod og usa ka taas nga dapit aron mobarog sa tunga-tunga diha sa ilang mga simbahan. Kada usa mobarog diha niini ug nag-ampo. Sila mag-ampo gamit ang samang mga pulong sa matag higayon. Diha sa pag-ampo, miingon sila nga ang Dios walay lawas ug si Jesukristo dili tinuod. Miingon sila nga sila lang ang mga tawo nga luwason sa Dios.

Alma 31:12–23

Sila si Alma ug Amulek nakig-istorya sa kabos nga mga Zoramita

Gimahal ni Alma ang mga Zoramita ug gusto nga sila mosunod sa Dios ug ni Jesus. Siya nag-ampo ug nangayo sa Dios sa pagtabang kaniya ug sa uban nga mikuyog kaniya sa pagtudlo sa mga Zoramita. Si Alma ug kadtong uban kaniya napuno sa Espiritu Santo. Miadto sila ug nagtudlo nga may gahom sa Dios.

Alma 31:24–38; 32:1

daghang kabos nga mga Zoramita ang naminaw ngadto nila ni Alma, Amulek, ug ni Zeezrom nga nagtudlo

Ang ubang mga Zoramita nagguol. Wala sila tugoti sa pagsulod sa mga simbahan tungod kay sila walay maanindot nga mga beste. Gusto silang magsimba sa Dios apan wala masayod unsaon kon dili sila makasulod sa mga simbahan. Nangutana sila ni Alma unsa ang ilang buhaton. Gitudloan sila ni Alma nga ang Dios modungog sa ilang mga pag-ampo bisan asa man sila.

Alma 32:2–12; 33:2–11

Si Alma nagkupot og gamay nga liso ug ang usa ka kamot nagtudlo sa usa ka taas ug maanindot nga bulak

Si Alma miingon nga gusto sa Dios nga ang mga tawo magbaton og hugot nga pagtuo. Iyang gitandi ang mga pagtulun-an sa Dios ngadto sa usa ka liso. Kon ang mga tawo motisok sa mga pagtulun-an sa Dios diha sa ilang mga kasingkasing, kana nga binhi motubo ug sila masayod nga ang mga pagtulun-an sa Dios tinuod. Siya miingon nga sila kinahanglan lang nga magbaton og tinguha sa pagtuo aron makasugod sa pagpakita sa ilang hugot nga pagtuo.

Alma 32:12–43

Si Amulek namulong, ug tupad kaniya mao ang usa ka hulagway ni Jesukristo nga nagtudlo sa mga tawo

Dayon si Amulek nagtudlo sa mga tawo mahitungod sa plano sa Dios alang sa Iyang mga anak. Iyang gisultihan sila nga pinaagi ni Jesus sila tanan mahimong mapasaylo sa ilang mga sala. Iya usab silang gitudloan sa pag-ampo ngadto sa Dios ug miingon nga ang Dios motabang ug mopanalipod kanila.

Alma 34

ang mga guwardya nagbantay sa daghang kabos nga mga Zoramita nga mobiya sa siyudad

Daghan sa mga kabos nga mga Zoramita mituo sa unsay gitudlo nilang Alma ug Amulek. Apan ang mga lider sa mga Zoramita nangasuko. Mipugos sila sa pagpapahawa sa mga tumutuo pagawas sa siyudad.

Alma 35:1–6

Gihangop sa mga Anti-Nephi-Lehi ang kabos nga mga Zoramita

Ang mga magtutuo miadto aron mopuyo uban sa mga Anti-Nephi-Lehi. Ang mga Anti-Nephi-Lehi nangalagad kanila, miserbisyo kanila, pinaagi sa paghatag kanila og pagkaon, mga besti, ug yuta.

Alma 35:9