“Usa ka Sulugoong Babaye nga Nephita,” Mga Sugilanon sa Basahon ni Mormon (2023)
Usa ka Sulugoong Babaye nga Nephita
Mitabang aron panalipdan ang iyang katawhan
Usa ka sulugoon nga babaye ang nagtrabaho alang sa usa ka lider nga Nephita nga ginganlan og Morianton. Si Morianton nagdala og kagubot taliwala sa katawhan. Gisulong niya ang grupo sa mga Nephita ug misulay sa pag-ilog sa ilang yuta. Dayon nagplano siya nga mopanaw sa amihanan kauban sa iyang katawhan aron mapanag-iya ang yuta didto.
Usa ka adlaw, si Morianton nasuko sa sulugoon nga babaye. Dili gayod maayo ang iyang pagtratar niya ug gipasakitan siya. Ang sulugoong babaye nakaikyas ug midagan ngadto sa kampo ni Kapitan Moroni. Iyang giingnan si Moroni mahitungod sa dili maayo nga mga butang nga gihimo ni Morianton. Mituo si Moroni kaniya.
Ang sulugoong babaye miingon usab nga si Morianton gusto nga mobiya ug mopanag-iya sa yuta sa amihanan. Nabalaka si Moroni. Ang mga Nephita mahimong maanaa sa kakuyaw kon si Morianton mopanag-iya sa yuta sa amihanan. Kini maoy mahimong hinungdan nga ang katawhan mawad-an sa ilang kagawasan.
Mipadala si Moroni og kasundalohan aron pugngan si Morianton. Ang katawhan ni Morianton nakig-away sa kasundalohan ug napilde. Sila misaad nga magmalinawon ug mibalik sa ilang yuta. Tungod kay ang sulugoong babaye mipasidaan ni Moroni, ang mga siyudad sa mga Nephita nagpabiling luwas.