Alma 53; 56–57

Usa ka Batan-ong Kasundalohan

Mga anak nga lalaki nga misalig sa Dios

batan-on nga kasundalohan nagkupot og mga taming, mga bangkaw, ug mga espada

Ang mga Nephita anaa sa gubat batok sa mga Lamanita ug nanginahanglan og tabang. Ang mga Anti-Nephi-Lehi gusto nga motabang. Apan nakahimo sila og saad ngadto sa Ginoo nga dili makig-away. Duha ka libo sa ilang batan-on nga mga anak nga lalaki wala makahimo niana nga saad. Hinuon, ang mga anak nga lalaki misaad nga makig-away aron panalipdan ang ilang mga pamilya. Kini nga mga anak nga lalaki gitawag og ang batan-ong kasundalohan.

Alma 53:8, 13–18, 22; 56:1–8

si Helaman nangulo sa batan-ong kasundalohan padulong sa usa ka siyudad

Ang batan-on nga kasundalohan mipili ni propeta Helaman nga mangulo nila. Sila usa ka gamay nga pundok kon itandi sa dako nga kasundalohan sa mga Lamanita. Apan si Helaman nakahibalo nga ang batan-ong kasundalohan matinuoron, isog, ug matinud-anon. Kauban si Helaman nga nangulo nila, miadto sila aron tabangan ang mga Nephita.

Alma 53:19–22; 56:9–10, 17, 19

batan-ong kasundalohan nagtukod og usa ka kuta kauban sa kasundalohan sa mga Nephita, ug mga ginikanan nga nagdala og pagkaon

Ang kasundalohan sa mga Nephita gikapoy na. Apan sa dihang miabot ang batan-ong kasundalohan, nalipay ang mga Nephita. Ang batan-ong kasundalohan naghatag nila og paglaom ug kalig-on. Nagkuyog, nangandam sila sa pagpakig-away sa mga Lamanita. Ang mga ginikanan sa batan-on nga kasundalohan mitabang usab pinaagi sa pagdala og mga pagkaon ug mga gamit ngadto nila.

Alma 56:16–17, 19–20, 22, 27

mga lider sa mga Nephita ug batan-ong kasundalohan nagtigom sa usa ka tolda

Ang mga Lamanita nakailog og daghang siyudad ug gipabilin ang ilang kasundalohan niini. Gusto sa mga lider sa mga Nephita nga biyaan sa mga Lamanita ang usa sa mga siyudad. Naghimo sila og plano ug mihangyo sa batan-ong kasundalohan alang sa tabang.

Alma 56:18–30

kasundalohang Lamanita midagan nga adunay mga hinagiban padulong sa batan-ong kasundalohan

Ang batan-ong kasundalohan nagpakaaron-ingnon nga nagdala og pagkaon ngadto sa mga Nephita nga nagpuyo sa duol nga siyudad. Sa dihang ang mga Lamanita nakakita sa gamay nga pundok, gibiyaan nila ang ilang siyudad ug gigukod ang batan-ong kasundalohan. Ang mga Lamanita nagtuo nga sayon ra ang pagdakop nila.

Alma 56:30-36

batan-ong kasundalohan nagmartsa sa taas nga linya, usa ka kasundalohang Lamanita ang nagsunod nila, ug usa ka kasundalohang Nephita ang misunod sa kasundalohang Lamanita

Ang batan-ong kasundalohan midagan palayo gikan sa mga Lamanita. Dayon usa ka kasundalohan sa mga Nephita ang misugod sa paggukod sa mga Lamanita. Gusto sa mga Lamanita nga madakpan ang batan-ong kasundalohan sa dili pa sila maabtan sa mga Nephita. Ang mga Nephita nakakita nga ang batan-ong kasundalohan naa sa delikadong kahimtang ug mas paspas nga nagmartsa aron tabangan sila.

Alma 56:36–41

usa ka batan-on nga sundalo nangita sa ubang kasundalohan ug nabalaka

Human sa pipila ka higayon, ang batan-ong kasundalohan wala na makakita sa mga Lamanita. Nagsugod sila sa paghunahuna kon ang mga Nephita nakaapas sa mga Lamanita ug nag-away na.

Alma 56:42–43

giisa ni Helaman ang iyang hinagiban

Nabalaka si Helaman. Naghunahuna siya nga tingali ang mga Lamanita nagsulay sa paglaang nila. Iyang gipangutana ang iyang batan-ong kasundalohan kon moadto ba sila ug makig-away sa mga Lamanita.

Alma 56:43–44

giisa sa batan-ong kasundalohan ang ilang mga hinagiban

Ang batan-ong kasundalohan mihinumdom sa unsay gitudlo sa ilang mga inahan ngadto kanila. Ang ilang mga inahan nagtudlo kanila nga mosalig sa Dios ug dili magduhaduha, tungod kay Siya mohimo nila nga luwas. Kini nga mga anak nga lalaki mituo sa Dios ug gusto nga tumanon ang ilang saad nga panalipdan ang ilang mga pamilya. Ilang gisultihan si Helaman nga sila andam sa pag-adto ug pagpakig-away.

Alma 56:46–48

si Helaman nagmartsa kauban ang batan-ong kasundalohan

Si Helaman nahingangha sa ilang kaisog. Siya nangulo nila og balik aron makig-away sa mga Lamanita.

Alma 56:45, 49

si Helaman ug batan-ong kasundalohan nagbarog sa kilid sa bungtod nga adunay mga hinagiban

Ang batan-ong kasundalohan nakakita sa mga Lamanita ug mga Nephita nga nag-away. Ang mga Nephita gikapoy na. Hapit na sila mapilde sa dihang miabot ang batan-ong kasundalohan.

Alma 56:49–52

kasundalohan sa mga Lamanita nga mura og nahadlok

Ang batan-ong kasundalohan nakig-away uban sa kusog sa Dios. Ang mga Lamanita nahadlok kanila ug mihunong sa pagpakig-away. Ang batan-ong kasundalohan nakatabang nga modaog sa gubat!

Alma 56:52–54, 56

si Helaman mituyhad sa iyang mga kamot ngadto sa batan-ong kasundalohan

Diha sa gubat, daghang Nephita ug Lamanita ang namatay. Si Helaman nabalaka nga pipila sa iyang batan-ong kasundalohan ang tingali namatay usab. Apan human sa gubat, giihap ni Helaman ang tanan. Nalipay kaayo siya nga makita nga walay bisan usa sa batan-ong kasundalohan ang napatay. Ang Dios nanalipod kanila.

Alma 56:55–56

batan-ong kasundalohan nasamdan ug tanan dungan nga nagbarog

Dugang nga mga anak nga lalaki ang miapil sa batan-ong kasundalohan. Sila nagpadayon sa pagtabang sa mga Nephita nga makig-away. Niining uban nga mga gubat, ang batan-ong kasundalohan tanan nasamdan, apan walay usa nila nga namatay. Sila mihinumdom sa unsay gitudlo sa ilang mga inahan ngadto kanila. Sila misalig sa Dios, ug Siya nanalipod kanila.

Alma 57:6, 19–27; 58:39–40