Alma 23–27

Ang mga Anti-Nephi-Lehi

Katawhan nga mipili sa paghigugma sa ilang mga kaaway

si Ammon nagtudlo sa katawhan ilalom sa kahoy

Daghang Lamanita ang nakat-on mahitungod sa Dios gikan ni Ammon ug sa iyang mga igsoong lalaki. Kini nga mga Lamanita adunay lig-on nga pagtuo sa Ginoo ug misunod sa mga sugo sa Dios. Gusto sila og bag-o nga ngalan, mao nga gitawag nila ang ilang kaugalingon og mga Anti-Nephi-Lehi imbes nga mga Lamanita.

Alma 23:3–7, 16–17

Mga pamilya naminaw ni Ammon nga nagtudlo

Ang mga Anti-Nephi-Lehi nausab tungod sa ilang hugot nga pagtuo sa Dios. Naghinulsol sila sa daotang mga butang nga ilang gihimo kaniadto. Nakahibalo sila nga ang Dios nahigugma kanila ug mipasaylo kanila.

Alma 24:8–14

mga Anti-Nephi-Lehi milabay sa ilang mga hinagiban ngadto sa lungag

Ang mga Lamanita nasuko ug nangandam sa pagsulong sa mga Anti-Nephi-Lehi. Imbes nga makig-away, ang mga Anti-Nephi-Lehi mihimo og saad sa Dios. Miingon sila nga dili na gayod sila mopasakit og mga tawo. Aron ipakita kini, ilang gilubong ang ilang mga hinagiban. Sila mipili sa paghigugma sa ilang mga kaaway imbes nga pasakitan o patyon sila.

Alma 24:1–19; 26:31–34

Nasuko nga Lamanita nagkupot og hinagiban

Ang mga Lamanita nga wala motuo sa Dios misulong sa mga Anti-Nephi-Lehi.

Alma 24:20

Duha ka Anti-Nephi-Lehi nangluhod sa pag-ampo

Ang mga Anti-Nephi-Lehi adunay hugot nga pagtuo nga kon sila patyon, makapuyo sila uban sa Dios. Sila mituman sa ilang saad ngadto sa Dios ug wala makig-away sa mga Lamanita.

Alma 24:16, 21

mga Lamanita nga mihunong sa pagsulong

Imbes nga makig-away, ang mga Anti-Nephi-Lehi nag-ampo. Sa dihang nakita kini sa mga Lamanita, daghan nila ang mihunong sa pagsulong. Dili maayo ang ilang gibati nga mopatay og mga tawo. Kadto nga mga Lamanita mipili usab nga dili na gayod mopasakit og mga tawo. Mitipon sila sa mga Anti-Nephi-Lehi.

Alma 24:21–27; 25:13–16

si Ammon ug ang mga Anti-Nephi-Lehi mibiyahe

Sa paglabay sa panahon, mas daghan nga mga tawo ang misulong. Si Ammon ug ang iyang mga igsoong lalaki naguol nga nag-antos ang mga Anti-Nephi-Lehi. Gihangyo nila ang hari nga dad-on ang iyang katawhan ug mopuyo kauban sa mga Nephita. Ang hari misulti nga moadto sila kon gusto sa Ginoo. Nag-ampo si Ammon. Ang Ginoo miingon nga kinahanglan na nila nga moadto ug nga sila Iyang himoon nga luwas.

Alma 27:2–15

mga Nephita mitimbaya sa katawhan nga mga Anti-Nephi-Lehi

Gihatagan sa mga Nephita ang mga Anti-Nephi-Lehi og yuta nga mapuy-an ug gipanalipdan sila. Isip ganti, ang mga Anti-Nephi-Lehi mihatag og pagkaon sa mga Nephita. Ang mga Anti-Nephi-Lehi adunay dako nga pagtuo ug nahigugma sa Dios. Sila matinuoron sa tanan ug mituman sa ilang saad nga dili na gayod makig-away. Sila matinud-anon sa ilang tibuok kinabuhi.

Alma 27:20–30