Mormon ang Propeta

Pagsulat sa Basahon ni Mormon

daghang katawhan ang naghimo og mga hinagiban, ug si Mormon isip usa ka bata ug ang iyang inahan nagbarog duol sa usa ka lamisa nga puno sa mga espada

Si Mormon usa ka Nephita kinsa mituo ni Jesukristo. Siya nagdako sa usa ka panahon sa dihang daghang katawhan ang wala nagtuman sa mga sugo sa Dios. Ang katawhan mitulis ug mipatay sa usag usa tungod sa kwarta ug gahom. Adunay daghang mga gubat.

3 Nephi 5:12–13; 4 Nephi 1:27–49; Mormon 1:1–3, 15, 18–19

Si Ammaron nakig-istorya ngadto ni Mormon ug sa iyang inahan samtang sila nag-ani sa mga pananom, ug daghang katawhan ang nagtrabaho sa umahan sa duol

Sa dihang si Mormon 10 anyos, usa ka lalaki nga ginganlan og Ammaron miduol kaniya. Si Ammron miatiman sa mga rekord sa kasaysayan sa mga Nephita. Si Ammaron misalig ni Mormon ug misulti kaniya nga ang mga rekord nakatago diha sa usa ka bungtod. Si Ammaron miingon nga sa dihang si Mormon mag-24 anyos, si Mormon kinahanglan mosulat kon unsa ang iyang nakita mahitungod sa ilang katawhan ug idugang kini ngadto sa mga rekord.

4 Nephi 1:47–49; Mormon 1:2–4

ang batan-on nga si Mormon nag-ampo diha sa usa ka kakahoyan, ug ang kahayag mipalibot kaniya

Samtang nagdako si Mormon, siya mihinumdom kon unsa ang gihangyo ni Ammaron nga iyang buhaton. Sa dihang si Mormon nag-15 anyos, gibisita siya sa Ginoo. Nakakat-on si Mormon mahitungod sa kaayo ni Jesus.

Mormon 1:5, 15

ang batan-on nga si Mormon nagsul-ob og hinagiban ug nagtan-aw sa kasundalohan sa mga Nephita

Bisan tuod nga si Mormon batan-on pa, siya kusgan. Ang mga Nephita mipili kaniya sa pagpangulo sa ilang kasundalohan. Si Mormon mihigugma sa katawhan sa tibuok niyang kasingkasing. Gusto Siya nga sila motuman sa Dios ug magmalipayon.

Mormon 2:1–2, 12, 15, 19; 3:12

ang hamtong nga Mormon nagguol ug nag-ampo, ug ang nagkayo nga kayutaan anaa sa background

Si Mormon misulay sa pagtabang sa katawhan. Nag-ampo Siya alang kanila sa kada adlaw. Ang katawhan nasayod nga sila naghimo og daotan nga mga butang, apan sila dili maghinulsol. Sila wala na nakabaton sa gahom sa Dios sa pagtabang pa kanila. Tungod kay sila walay hugot nga pagtuo, ang mga milagro mihunong. Sila mipadayon sa pagpakig-away, ug daghan kanila ang namatay. Naguol si Mormon.

Mormon 1:13–14, 16–19; 2:23–27; 3:1–12; 4:5, 9–12; 5:1–7

Si Mormon nagsulat ug nag-organisar sa metal nga mga palid

Sa dihang si Mormon mga 24 anyos na, siya miadto sa bungtod diin ang mga rekord nakatago. Misugod siya sa pagsulat sa mga istorya ug mga pagtulun-an ngadto sa katawhan diha sa metal nga mga palid. Ang Dios mitabang kaniya nga masayod kon unsa ang kinahanglan niyang isulat. Si Mormon nagtrabaho sa rekord sulod sa daghang katuigan. Karon, ang rekord gitawag nga ang Basahon ni Mormon.

Mga Pulong ni Mormon 1:3–9; Mormon 1:3–4; 2:17–18

Si Mormon, iyang asawa, ug ang iyang mga anak mibiyahe

Human sa daghang gubat, gipatay sa mga Lamanita ang hapit tanan nga mga Nephita. Nakahibalo si Mormon nga ang iyang katawhan sa dili madugay mawala na. Nagguol siya tungod kay sila wala naghinulsol ug mihangyo sa Dios alang sa tabang. Apan siya nag-ampo ug nangayo sa Dios sa pagpanalipod sa mga palid. Siya nasayod nga ang mga palid mahimong luwas tungod kay anaa kanila ang mga pulong sa Dios.

Mga Pulong ni Mormon 1:11; Mormon 5:11; 6:6, 16–22

Si Mormon isip usa ka tigulang na nga lalaki naghatag sa metal nga mga palid ngadto sa iyang anak nga lalaki nga si Moroni

Gusto ni Mormon nga ang mga tawo motuo ni Jesus. Siya naglaom nga daghang katawhan ang mobasa sa basahon sa umaabot. Gusto gayod siya nga ang mga pamilya sa mga Lamanita mobasa niini ugma damlag. Kon ilang buhaton, sila makakat-on mahitungod ni Jesus. Sa wala pa namatay si Mormon, siya mihatag sa rekord ngadto sa iyang anak nga lalaki nga si Moroni aron kini mahimong luwas.

Mga Pulong ni Mormon 1:1–2; Mormon 3:17–22; 5:8–24; 6:6; 7; 8:1