“Teancum,” Mga Sugilanon sa Basahon ni Mormon (2023)
Teancum
Pagpanalipod sa iyang katawhan
Si Teancum usa ka lider sa kasundalohan ni Kapitan Moroni. Siya naningkamot nga magpabiling luwas ang mga siyudad sa mga Nephita gikan sa mga Lamanita.
Si Amalickiah usa ka Nephita nga nahimong hari sa mga Lamanita. Gusto niyang magmando usab sa mga Nephita. Gisulong niya ang mga Nephita ug nakailog og daghang siyudad.
Alma 47:1, 35; 48:1–4; 51:23–28
Ang kasundalohan ni Teancum miadto aron pugngan ang kasundalohan ni Amalickiah sa pagsulong sa mga siyudad sa mga Nephita.
Ang kasundalohan nag-away sa tibuok adlaw. Si Teancum ug ang iyang kasundalohan nakig-away sa dugang kaisog ug kahanas kay sa kasundalohan ni Amalickiah. Apan walay midaog ni bisan kinsa sa kasundalohan. Sa dihang mingitngit na, ang duha ka kasundalohan mihunong sa pag-away aron sila makapahulay.
Alma 51:31—32
Apan si Teancum wala mopahulay. Siya ug ang iyang sulugoon sekreto nga miadto sa kampo ni Amalickiah.
Si Teancum nakasulod sa tolda ni Amalickiah. Iyang gipatay si Amalickiah sa wala pa makamata si Amalickiah. Dayon si Teancum mibalik sa iyang kampo ug gisultihan ang iyang kasundalohan nga mag-andam sa pagpakig-away.
Sa dihang mimata ang mga Lamanita, ilang nakita nga patay na si Amalickiah. Nakita usab nila nga si Teancum ug ang iyang kasundalohan andam na nga makig-away nila.
Ang mga Lamanita nahadlok ug nanagan. Ang plano ni Teancum nakapahadlok og maayo sa mga Lamanita nga mosulong sa daghan pa nga mga siyudad sa mga Nephita. Si Teancum karon aduna nay panahon nga himoong mas luwas ang mga siyudad sa mga Nephita. Milihok siya og maayo aron panalipdan ang iyang katawhan. Nahimo niya nga ipabiling luwas ang daghan nga siyudad sa mga Nephita.