“Gideon, Alma, ug Nehor,” Mga Sugilanon sa Basahon ni Mormon (2023)
“Gideon, Alma, ug Nehor,” Mga Sugilanon sa Basahon ni Mormon
Gideon, Alma, ug Nehor
Pagdepensa sa kamatuoran pinaagi sa mga pulong sa Dios
Ang mga Nephite mipili kang Alma nga Batan-on nga mahimo nilang labaw nga maghuhukom. Si Alma mao usab ang halangdon nga pari sa Simbahan.
Usa ka tawo nga ginganlan og Nehor nagsugod sa pagtudlo sa katawhan og butang nga gitawag niya nga pulong sa Dios. Apan gitudloan niya ang katawhan nga wala kinahanglana nga motuman sila sa Dios o maghinulsol.
Daghang tawo ang giganahan ug mituo sa gitudlo ni Nehor. Gusto niya nga ang mga tawo mohatag niya og kwarta ug modayeg kaniya. Nagtuo siya nga mas maayo siya kay sa ubang tawo. Naghimo siya og kaugalingon niyang simbahan, ug daghang tawo ang naminaw kaniya.
Usa ka adlaw, si Nehor nakasugat og tigulang nga tawo nga ginganlan og Gideon. Si Gideon usa ka magtutudlo sa Simabhan sa Dios ug nakahimo og daghan nga maayo. Si Nehor gusto nga ang mga tawo mobiya sa Simbahan, mao nga nakiglalis siya ni Gideon. Si Gideon migamit sa mga pulong sa Dios aron ipakita nga si Nehor wala magtudo sa kamatuoran. Nasuko si Nehor! Gipatay niya si Gideon pinaagi sa iyang espada.
Ang katawhan midala ni Nehor ngadto ni Alma aron hukman. Si Nehor misulay sa pagdepensa sa iyang nahimo. Dili siya gustong masilotan.
Miingon si Alma nga ang gipangtudlo ni Nehor mga sayop ug makadaot sa katawhan. Si Alma misunod sa balaod. Tungod kay gipatay ni Nehor si Gideon, si Nehor gipahamtangan og kamatayon.
Sa wala pa siya mamatay, si Nehor misulti sa katawhan nga siya namakak. Wala siya magtudlo sa pulong sa Dios. Bisan og si Nehor miingon nga siya sayop, daghang tawo ang misunod sa iyang ehemplo. Gibakakan nila ang katawhan aron makaangkon og pagdayeg ug makakwarta. Apan ang ubang tawo naminaw ni Alma. Giatiman nila ang mga kabos ug mituman sa mga sugo sa Dios.