2 Nephi 4–5

Usa ka Bag-ong Panimalay didto sa Gisaad nga Yuta

Ang mga Nephite ug mga Lamanite

Ang pamilya ni Lehi ug Sariah padayong nagkadaghan sa gisaad nga yuta. Ang ilang mga anak duna nay mga anak nga ilang kaugalingon. Si Lehi nagkatigulang. Sa wala pa siya mamatay, iyang gihatagan og mga panalangin ang mga tawo sa iyang pamilya. Giingnan niya sila nga kon magtuman sila sa mga sugo sa Dios, ang Ginoo motabang nila.

2 Nephi 4:3–12

Human sa pagkamatay ni Lehi, si Nephi ang nangulo sa katawhan. Gisultihan niya sila sa pagsunod sa Ginoo. Si Laman ug Lemuel nangasuko. Gusto nilang patyon si Nephi aron sila na ang mangulo.

2 Nephi 4:13; 5:1–4

Gisultihan sa Ginoo si Nephi nga mobiya kauban sa iyang pamilya ug ni bisan kinsa nga gustong mosunod sa Ginoo. Mibiyahe sila sulod sa daghang adlaw ug nakakita og bag-ong dapit nga kapuy-an.

2 Nephi 5:1, 5–8

Kadtong mga mikuyog ni Nephi gitawag nga mga Nephite, ug kadtong nagpabilin gitawag nga mga Lamanite. Ang mga Nephite mihangyo kang Nephi nga mangulo kanila. Nagtrabaho sila og maayo. Nanguma sila, namuhi og mga hayop, ug nagtukod og templo ug ubang mga bilding. Ang mga pari ug mga magtutudlo mitudlo kanila mahitungod sa Ginoo, ug ang katawhan nagmalipayon.

2 Nephi 5:9–11, 13–17, 26–27