Burimet
Çfarë Është një Hua nga FQA-ja?
Zgjidhini dhe interpretojini rolet në vijim.
VËLLA NGA BRAZILI: Kur u ktheva në shtëpi nga misioni im, unë doja vërtet të merrja një arsimim. U përpoqa e u përpoqa, vit pas viti, por thjesht nuk munda të hyja në shkollë. Vazhdoja të mendoja se mos kurset do të bëheshin më të lira, por ato kurrë nuk u bënë më të lira. Gjithnjë e më të shtrenjta ishin, gjithnjë e më e vështirë, gjithnjë e më e vështirë.
MOTËR NGA HAITI: Në Haiti pa një arsimim është e pamundur të gjesh punë. Atje nuk mund të jetosh dot pa një arsimim.
VËLLA NGA ARGJENTINA: Unë kam të njëjtat ëndrra si çdo i ri në Kishë – të krijoj një familje dhe të shërbej në Kishë. Dhe me qëllim që t’i bëj këto gjëra mirë, më duhet një vend pune i mirë.
PRESIDENTI HINKLI: Në përpjekje për ta ndrequr këtë situatë, ne propozojmë një plan – një plan që ne besojmë se është i frymëzuar nga Zoti. … Ne do ta quajmë atë Fondi i Qarkullueshëm Arsimor.
VANDERLAI: Kur u ktheva nga misioni, nuk pata mundësi që të studioja. Pastaj, fap! Doli Fondi i Qarkullueshëm Arsimor dhe unë isha kaq shumë i lumtur! Unë shkova në shkollë, u regjistrova dhe pagova për kursin. Dhashë më të mirën time dhe ia dola mbanë. Në klasën time isha ai studenti numër njësh! Përpara se ta filloja kursin, unë isha një punëtor krahu. Njerëzit e tjerë më jepnin urdhra. Kur e përfundova kursin, unë u punësova për të drejtuar një ekip prej 450 vetash dhe sot kam një pagë shumë më të mirë. Gruas sime nuk i duhet më të punojë. Ajo kujdeset për fëmijët tanë, gjë e cila është më e rëndësishmja për ne. Dhe unë jam i aftë të shërbej në Kishë me dashuri. Jam i aftë të shërbej me përkushtim. Kjo vërtet e ka ndryshuar jetën time dhe jetën e familjes sime.
NADINA: Unë duhet të bëj gjithçka mundem për ta shlyer huanë, sepse e di se ajo do t’i ndihmojë të tjerët të jenë pjesëmarrës dhe të marrin një arsimim. Duhet të jesh i ndershëm nëse je pjesë e këtij programi.
KARLOS: Në bekimin tim patriarkal përmendet se unë do ta kisha këtë mundësi dhe ajo u përmbush. Për ne, Fondi i Qarkullueshëm Arsimor nuk është thjesht diçka tokësore. Ai për ne është një profeci. Është i shenjtë.
KEVIN: Unë ndjeva se profeti po më shihte mua, ndjeva që ai i pa rrethanat në të cilat ndodhesha. Dhe unë thjesht ndjeva sikur tha: “Duhet të të ndihmoj”.
PRESIDENTI HINKLI: Udha përpara nesh është e qartë, nevoja është e pamasë dhe Zoti na e ka treguar udhën. FQA-ja do të bëhet një bekim për të gjithë ata jetën e të cilëve prek – për të rinjtë dhe të rejat, për familjet e tyre të ardhshme, për Kishën. Ne lutemi me përulje dhe mirënjohje që Perëndia do ta çojë përpara këtë përpjekje.
Kthehuni te faqja 60
Cilat janë Kushtet për një Huamarrje nga FQA-ja?
Të merrni pjesë në një grup të Arsimimit për Punë më të Mirë; të plotësoni fletën e punës së planit për huamarrjen nga FQA-ja.
Të përzgjidhni një vend pune, shkollë dhe program nga Listat e Parapëlqimeve të SHMV-së; përjashtime bëhen vetëm me kërkesë.
Të zgjidhni një këshilltar huaje, që t’ju ndihmojë për shkollën, punën dhe zotimet për huamarrjen.
Të frekuentoni institutin (për të rinjtë në moshë madhore beqarë).
Të jeni 18 vjeç ose më të mëdhenj.
Të jeni të denjë për tempullin dhe të shërbeni në një thirrje.
Të merrni një miratim nga një udhëheqës priftërie.
Kthehuni te faqja 61
Si Mund të Përdoret një Huamarrje nga FQA-ja? Si Funksionojnë Shlyerjet?
Huamarrjet nga FQA-ja mund të përdoren që të paguhet për:
Arsimimin dhe trajnimin që çojnë drejt një vendi pune apo biznesi vendor të suksesshëm.
Pagesën e shkollimit, librat dhe disa pajisje (pagesa e shkollimit i paguhet shkollës).
Orientimet për shlyerjen e huave janë sa vijon:
Shumat e caktuara dhe udhëzimet për shlyerjen janë në dispozicion për çdo vend.
Shlyerja bëhet nëpërmjet një ndërthurjeje midis stimujve të rendimentit dhe parave.
Stimujt për rendimentin do ta ulin bilancin e huasë sa më poshtë:
5% zbritje e pagesës së huasë vjetore për notat e mira, çdo vit (shihni broshurën e FQA-së për përkufizimin e notave të mira)
10% zbritje për përfundimin e programit arsimor (diplomimin)
10% zbritje për plotësimin e synimeve të planit (për vendin e punës dhe nivelin e të ardhurave)
Stimul të barabartë me 25% zbritje për të gjitha pagesat e kryera brenda afatit për huanë
Zbritje shtesë me 10% për shumën e mbetur nëse huaja shlyhet më herët
Pagesat mujore të huasë gjatë shkollimit
Pagesa e parë kërkohet përpara se të paguhet shkolla
Pagesë e vogël mujore gjatë shkollimit, për programet me kosto të ulët e më të shkurtra
Pagesë më e lartë mujore gjatë shkollimit, për programet më të kushtueshme e më të gjata
Pagesat mujore të huasë duke filluar gjashtë muaj pas përfundimit të shkollës ose largimit nga shkolla
Pagesë e përcaktuar nga shuma e huamarrjes dhe kohëzgjatja e programit
Përfshin një shumë të vogël interesi
Mund të shlyhet plotësisht brenda tre a katër vjetëve me stimuj të plotë të rendimentit
Kthehuni te faqja 62
Këshilltari për Huamarrjen nga FQA-ja
Kush është këshilltari për Huamarrjen nga FQA-ja?
Një këshilltar për huamarrjen nga FQA-ja, është një i rritur që ju ndihmon të keni sukses në shkollë, në punë dhe në shlyerjen e huasë. Këshilltari për huamarrjen nga FQA-ja nuk është bashkënënshkrues ose garant dhe nuk ka detyrim financiar lidhur me huamarrjen nga FQA-ja.
Si ta përzgjedh këshilltarin tim për huamarrjen nga FQA-ja?
Kërkojini një të rrituri të përgjegjshëm që të jetë këshilltari juaj për huamarrjen nga FQA-ja. Ju mund të zgjidhni dikë që i di planet tuaja, përfshirë ata me të cilët biseduat rreth vendeve të punës dhe shkollave. Ai ose ajo mund të jetë një anëtar i Kishës ose dikush i cili nuk është një anëtar.
Për të pasur të drejtë hyrjeje në faqen në internet të këshilltarit për huamarrjen nga FQA-ja, këtij këshilltari do t’i duhet një llogari SHDM. Do t’ju duhet informacioni vijues nga këshilltari juaj për ta plotësuar kërkesën në internet për huamarrjen nga FQA-ja:
Emri i përdoruesit i Llogarisë SHDM (me dëshirë) (Llogaritë SHDM janë në dispozicion për këdo.)
Telefoni (parësor)
Telefoni (dytësor)
Adresa e Postës Elektronike
Me këshilltarin tuaj për huamarrjen nga FQA-ja do të komunikojë një përfaqësues i FQA-së, për të pranuar përgjegjësitë e një këshilltari.
Çfarë ka nevojë të dijë dhe të bëjë këshilltari im për huamarrjen nga FQA-ja?
Këshilltari juaj:
Duhet të dijë se ai ose ajo nuk është përgjegjës nga ana financiare për huamarrjen tuaj nga FQA-ja.
Do t’ju japë juve nxitje dhe këshillë teksa hasni sfida për arsimimin, punën ose për shlyerjen dhe do t’ju ndihmojë t’i mbani zotimet tuaja për ta shlyer huamarrjen nga FQA-ja.
Duhet të pranojë telefonata ose mesazhe elektronike nga përfaqësuesit e FQA-së dhe udhëheqësit e priftërisë, për të diskutuar mbi përparimin tuaj.
Duhet të ruajë fshehtësinë e informacionit tuaj për huamarrjen.
Pranon dhe jep pëlqimin që FQA-ja të mund të ketë të drejtë përdorimi të informacionit, ta grumbullojë dhe ta përpunojë atë nga dokumentet e anëtarësisë së Kishës për qëllime lidhur me rolin e tij apo të saj, si një këshilltar për huamarrjen nga FQA-ja.
Kthehuni te faqja 62
Plani për Huamarrjen nga FQA-ja
Plani për Huamarrjen nga FQA-ja (vazhdon)
Miratimi i Ndërmjetësit
(emri) ka përfunduar katër mësime të broshurës Arsimim për Punë më të Mirë dhe është gati të bëjë kërkesë për një huamarrje nga FQA-ja.
Emri i ndërmjetësit të grupit
Nënshkrimi i ndërmjetësit të grupit
Data
Miratimi i Udhëheqësit të Priftërisë
Ky formular është në dispozicion te qendra juaj e kunjit për mbështetjen te vetja ose në internet te srs.lds.org/pef. Silljani planin tuaj për huamarrjen nga FQA-ja (faqet 73–74), udhëheqësit tuaj të priftërisë që ju bën intervistën për miratimin.
Doktrinat Thelbësore të Mbështetjes te Vetja për Udhëheqësit e Priftërisë dhe Personat që Bëjnë Kërkesë
Besim te Jezu Krishti | Mirëbesoni se është qëllimi i Perëndisë për të siguruar nevojat tokësore për shenjtorët e Tij dhe se Ai ka të gjithë fuqinë për ta bërë këtë. |
Bindja | Bekimi për mbështetjen te vetja varet nga bindja ndaj urdhërimeve dhe ordinancave mbi të cilat bazohet mbështetja te vetja. |
Individët Duhet të Veprojnë | Mbështetja te vetja është ndihmë ndaj vetvetes, jo një e drejtë. Ju duhet të punoni. Duhet të veproni dhe jo të veprohet mbi ju. |
Uniteti dhe Shërbimi | Të varfrit dhe të pasurit duhet të jenë një. Të gjithë duhet t’i shërbejnë dhe ta duan njëri-tjetrin. |
Kthehuni te faqja 62
Po Lidheni me Kërkesën në Internet për Huamarrjen nga FQA-ja
Në mënyrë që të bëni kërkesë për një huamarrje nga FQA-ja, ju duhet të plotësoni një kërkesë në internet për huamarrje te srs.lds.org/pef, duke përdorur Llogarinë tuaj SHDM.
Këshilltarët për huamarrjen nga FQA-ja, të cilët kanë një Llogari SHDM, mund të kenë të drejtë hyrjeje në faqen e tyre të këshilltarit për huamarrjen nga FQA-ja, në faqen në internet të FQA-së.
Nëse keni shërbyer së fundi në një mision, ju mund ta keni tashmë një Llogari SHDM. Nëse nuk keni, ju mund të hapni një Llogari SHDM te ldsaccount.lds.org.
Pyetje të Përgjithshme
Çfarë është një Llogari SHDM?
Llogaria SHDM është sistemi për të nënshkruar hyrjen (emri i përdoruesit dhe fjalëkalimi) për shumicën e faqeve në internet të Kishës, përfshirë ldsjobs.org, historinë familjare, kërkesa në internet për misionin dhe faqet e internetit të kunjeve dhe të lagjeve.
A duhet të jem një anëtar i Kishës së Jezu Krishtit të Shenjtorëve të Ditëve të Mëvonshme për ta përdorur Llogarinë SHDM?
Jo, nuk është e nevojshme. Ndërkohë që anëtarët e Kishës do të kenë të drejtë hyrjeje në burime të tjera të posaçme për anëtarësinë e tyre (e kërkuar për një huamarrje nga FQA-ja), çdokush është i lirë të regjistrohet për një llogari si një “mik” (përfshirë këshilltarët joanëtarë për huamarrjen nga FQA-ja).
Çfarë informacioni do të më duhet, për të krijuar Llogarinë time SHDM?
Nëse jeni një anëtar i Kishës, juve do t’ju duhet numri i dokumentit të anëtarësisë suaj, datëlindja juaj dhe një adresë e vlefshme e postës elektronike. Ju mund ta gjeni numrin tuaj të dokumentit të anëtarësisë në rekomandimin tuaj të tempullit ose duke folur me nëpunësin e lagjes ose të degës suaj. Nëse këshilltari juaj për huamarrjen nuk është anëtar i Kishës, ai ose ajo duhet të japë emrin e vet, datëlindjen, gjininë dhe vendin.
Për të pasur të drejtë hyrjeje në internet për kërkesën e huamarrjes nga FQA-ja, neve do të na duhet:
Informacioni bazë për veten dhe familjen
Miratimi i nënshkruar i udhëheqësit të Priftërisë
“Plani për Huamarrjen nga FQA-ja” i Plotësuar
Informacioni mbi Këshilltarin
Plani i Punës
Plani i Arsimimit
Plani Financiar për Arsimimin
Miratimi i Ndërmjetësit
Kthehuni te faqja 62
Unë Kam Dy Duar për të Punuar
Lexojeni me radhë këtë tregim rreth Arturos, një anëtar i Kishës nga Peruja.
Largimi nga terreni i misionit nuk qe i lehtë. Unë kisha kaq shumë synime dhe ëndrra; por kur u ktheva duhet të përballesha me realitetin. Unë nuk kisha ndonjë zanat dhe as shumë të ardhura. Nuk qe e lehtë të gjeje një vend pune.
Më në fund, ngrita një tezgë për fruta dhe me ato para pagova për shkollimin, ndihmoja në shtëpi dhe pagova të dhjetat dhe ofertat e mia të agjërimit.
Kështu veprova deri në shtator. Ndërsa po shisja frutat, një kamion me verë erdhi pas meje dhe më goditi. Më përplasi pas murit dhe ma gjymtoi këmbën time të djathtë. E humba këmbën time të djathtë dhe nga njëri sy mbeta i verbër. Po ashtu m’u dëmtuan edhe krahu im i djathtë dhe këmba e majtë.
Pas gjithë kësaj, unë e dëgjova profetin që tha se varfëria duhet të zhduket dhe se misionarët e kthyer që nuk kishin burime financiare, do të ishin në gjendje të merrnin një arsimim. Fondi i Qarkullueshëm Arsimor do të krijohej për rininë me aspirata të larta. Ishte e vërtetë se i kisha humbur këmbën dhe syrin tim, por jo dëshirën për të jetuar apo që të vazhdoja të endërroja. Vendosa të luftoja për t’i arritur synimet e mia.
Falë Fondit të Qarkullueshëm Arsimor, unë për tre vjet e përfundova trajnimin tim profesional dhe më pas doja edhe më tepër. Bëra kërkesën dhe u pranova në universitet.
Aktualisht po punoj në mënyrë të pavarur si përfaqësues i zyrës së ndihmës. Unë jap mbështetje për klientët dhe mbështetje teknike për kompjuterat për disa kompani, nga mëngjesi deri rreth orës 14:00 ose 15:00, kompjuterat i riparoj edhe në shtëpi. Pasditeve frekuentoj shkollën. Nisem në orën 17:00 dhe e filloj orën e mësimit në orën 18:00. Orët e mësimit zgjatin deri në orën 23:00, marr një taksi rreth orës 23:30 që të arrij në shtëpi diku midis mesnatës, dhe orës 00:30 të mëngjesit. Ha diçka, i rishikoj detyrat e shkollës dhe shkoj në shtrat. Ditën tjetër zgjohem herët për të shkuar në punë ose për të gjetur punë. Punoj deri në orën 14:00 ose 15:00 dhe më pas nisem për në universitet.
I jam shumë mirënjohës Perëndisë për gjithçka që kam. Do të doja t’ia shpërbleja Atij në njëfarë mënyre për gjithçka që Ai ka bërë për mua. Ai e bën më të shumtën dhe do t’i jem gjithmonë borxhli. Unë shërbej si vullnetar në qendrën telefonike në zyrat e Kishës për Fondin e Qarkullueshëm Arsimor.
Pas dy vjetësh e gjysmë e shoh veten të diplomuar si inxhinier sistemesh. Pas pesë vjetësh, do të jem duke punuar në një kompani të rëndësishme për të ndihmuar familjen time si edhe familjen time të ardhshme dhe fëmijët.
Synimi im është të martohem në tempull. Kjo është arsyeja përse studioj dhe arsyeja përse punoj. Dhe kjo është arsyeja përse luftoj çdo ditë.
E di që nuk do të jetë e lehtë, por kam mësuar se Zoti nuk na jep kurrë urdhërime pa e përgatitur udhën.
Ai më ka dhënë jetën. Ai më ka dhënë Fondin e Qarkullueshëm Arsimor. Ai më ka dhënë dy duar për të qenë i aftë për të punuar, një mendje për të menduar, një gojë për të folur dhe një zemër për të ndier dhe për të shkuar përpara me ëndrrat e mia.
E di se çdo gjë është e mundur, sikurse tha Pali: “Sepse fuqia ime përsoset në dobësi”. Zoti më ka ndihmuar mua.
Për çdo gjë që kam – familjen, shkollën dhe madje jetën time – i detyrohem Perëndisë. Çdo gjë vjen nga duart e Tij dhe i jam mirënjohës për këtë.
Kthehuni te faqja 64