Vulica—Levu ni Gauna: 60 na miniti

1. Na Noda Vakanananu e Vakayarayarataka na Yaloda

Wilika:

Sa ka bibi na nomu vakanananu. Na ivakarau o tukuni iko kina kei na sala ni nomu vakanananutaka na ka ena vakayaco ka ki na veika o vakila kei na nomu rawa ni bulabula cake. Na nomu vakanananu e tiko talega e dua nona itavi cecere ena nomu veimaliwai kei ira na tani kei na nomu rai baleta na vuravura e wavoliti iko tu. Na ivolanikalou e vakavulica “Ia me vaka na nanuma ni lomana, sa vakakina ko koya” (Vakaibalebale 23:7).

Ni sa kilai na kaukauwa ni nomu vakanananu ki na lomamu, rau sa segata ruarua na iVakabula kei na meca me vakayarayarataka na nomu nanuma. Sa sureti keda na iVakabula meda, “vakararavi tiko mai vei [Koya] ena vakasama kece; kakua ni vakatitiqa, ka kakua ni rere” (Vunau kei na Veiyalayalati 6:36).

Sarava:

“Am I Good Enough?” e tiko ena https://churchofjesuschrist.org/study/video/self-reliance-videos [3:28].

Veitalanoataka:

Ena rawa vakacava ni vakananuma vei iko ni o sa veirauti vinaka na “rai [tikoga] ki vua na [iVakabula] ena vakasama kece?

2. Kilai ni iVakarau ni Vakanananu Sega ni Dodonu

Wilika:

Eda na rairai kunei keda vakawasoma ni vakanamata tiko na noda vakanananu ki na ka e cala se ca. Na ivakarau ni vakanananu sega ni dodonu ena rawa ni muataki keda meda raica na veika ca duadua e rawa ni yaco ki na dua na ituvaki. Na vakanananu vakatani oqo e vakavuna meda lomacataki keda kina kei ira na tani. Eda dau sotava kece na vakanananu ca, ia ena so na gauna eda dau tao kina ka sega ni raica na ivakarau sega ni dodonu ni vakanananu kei na sala sa vakamosia tiko kina na ituvaki ni lomada. Wilika na lisi ni “iVakarau ni Vakanananu Sega ni Dodonu sa dau Yaco Tu,” ka qai veivosakitaka na taro e tarava na lisi. Vakasamataka mo kila e dua se rua na ivakarau ni vakanananu oqo ka o dau vakayagataka vakalevu.

iVakarau ni Vakasama Sega ni Dodonu sa dau Yaco Tu

iVakarau ni Vakanananu	iVakamacala	iVakaraitaki
iVakarau ni Vakanananu Taucoko se Sega	iVakamacala Raici ni dua na ka se dua na tamata e vinaka taucoko se ca taucoko. Vakaraica na malanivosa ka tiko kina na vosa me vaka na veigauna kei na sega vakadua.	iVakaraitaki “Au dau cavuta e veigauna na ka cala.”
iVakarau ni Vakanananu Vakatokayacataki cala	iVakamacala Raica e dua na ka a yaco ka cavuta kina e dua na itukutuku raraba se cala.	iVakaraitaki “Sa mudu na veimaliwai, au sega beka ni vinaka.”
iVakarau ni Vakanananu Ladeva na iTinitini	iVakamacala Vakadewataki na nodra vakanananu na tani se namaki me yaco na ka ca duadua e rawa ni yaco.	iVakaraitaki “Au kila ni o ira kece era dredrevaki au tiko.”
iVakarau ni Vakanananu Vakaitaukeitaka	iVakamacala Beitaki iko se dua tale me baleta e dua na ka a yaco ka a vakavu mai na vuqa sara na ka.	iVakaraitaki “Eratou a sega ni qiriti au lesu mai, e rairai eratou rarawataki au.”
iVakarau ni Vakanananu Vakanananu Ni Loma	iVakamacala Na vakatulewataki ni dua na ituvaki e yavutaki ena veika o vakila.	iVakaraitaki “E beitaki au na lomaqu. Au a cakava beka e dua na ka ca.”
iVakarau ni Vakanananu Vakatanitaka	iVakamacala Tauri ni dua na ka e sotavi ka vakatanitaka me na yaco ki na veika sotavi tale eso.	iVakaraitaki “E a sega ni vinaka sara na kequ maka ena veitarogi oqo , na cava na vuna meu tiko ga kina ena kalasi?”
iVakarau ni Vakanananu Vulo ni Vakasama Ca	iVakamacala Vakanamata ki na dua na ka ca lailai ka vakalevutaka.	iVakaraitaki “E vaka ni sega ni dua na ka e lako vinaka nikua. E sa veitaravi ga na sega ni rawa ka.”
iVakarau ni Vakanananu Vakalailaitaki ni Veika Vinaka	iVakamacala Nomu besetaka na veika sotavi vinaka kece baleta ni o sega ni vakila na kedra yaga.	iVakaraitaki “E sega ni dua na ka ke a katalau na luvequ yalewa. A levu na nona vuturi ena vo ni siga taucoko!”
iVakarau ni Vakanananu Vakalevutaka	iVakamacala Vakalevulevuya na nomu malumalumu se vakatauvatani ira ki na nodra kaukauwa na tani.	iVakaraitaki “Au sega ni dau vakasaqa ivakayakavi me baleta na noqu matavuvale, ia niu cakava, e sega ni vaka na nona dau cakava.”
iVakarau ni Vakanananu iTukutuku ni “E Dodonu”	iVakamacala Nomu tukuna vei iko na ivakarau ni ka e dodonu me yaco se me kakua.	iVakaraitaki “E sega ni dodonu vei au meu cudru vaka o ya.”

Veitalanoataka:

Na cava eda dau vakanananu kina vakaoqo ena so na gauna?

3. Saumi ni Veivakayavalati

Wilika:

Na veivakayavalati e dua na ka e vakavuna na vakanananu vakaikoya ena noda vakasama, veika eda vakila, kei na itovo. Na veivakayavalati e rawa ni oka kina na veika o raica, vakila, ka sotava. E rawa ni ra vakayarayarataki ena ituvaki ni yalomu, na gauna ena loma ni siga, igu, veimaliwai, vanua, soqo, se ituvaki tale eso. Ni sega ni veiganiti na veika o cakava vakaiko ki na dua na veivakayavalati, e rawa ni o vulica na sala vinaka cake mo sauma kina.

ITAVIQARAVI (10 minutes)

iKalawa 1: Eda sa vakamacalataka na cava na veivakayavalati kei na sala kei na gauna o na rawa ni sotava kina. Sauma ga vakataki iko na taro eso oqo; era na vukei iko mo kila na vanua, gauna, vata kei cei ena rawa ni yaco kina na veivakayavalati. Qai vola e vica na veivakayavalati ka dau yaco wasoma ena nomu bula.

Na ituvaki ni (vei)yalo cava beka au dau sotavi dredre vakalevu kina?

Na veisiga cava ni macawa se gauna cava e loma ni siga e dredre vei au?

Na mataqali tamata cava e dredre vei au meu tiko wavoliti ira?

Na ituvaki se soqo cava soti e dredre vakalevu vei au?

Na cava eso na veivakayavalati ka dau yaco wasoma ena noqu bula?

iKalawa 2: Railesuva vakailawalawa eso na ka ni veivakayavalati kilai levu. Wilika vata na ivakaraitaki ka vakalewena vata na rua na ka dau veivakayavalati. iMatai, raica na sala e rawa ni vakayaco ka kina vei iko na ka ni veivakayavalati. Qai vakalewena na isaunitaro matau eso kei na veiqaravi bulabula cake.

iVolakabi ni Veivakayavalati kei na Kena iWali

Veivakayavalati	Na Cava Au Vakila ena Vuku ni Veivakayavalati?	Na Cava Au A Cakava?	Meu Na Sotava Vakacava?
Veivakayavalati iVakaraitaki Gole ki na dua na pati o sega ni kila kina e dua	Na Cava Au Vakila ena Vuku ni Veivakayavalati? Tabaki sobu ka vakalewai Lomaleqa ni vuqa na tamata era tu wavoliti au Vakasaurarataki meu vaka e dua era vinakata meu tautauvata kaya	Na Cava Au A Cakava? Vuni ena dua na rumu ka vakatikitikitaki au Levea na veitalanoa Toka ga e yasa ni kakana Sarasara ena noqu talevoni	Meu Na Sotava Vakacava? Sureta e dua na itokani me lako vata kei au Vakanamata ena vakavinavinaka Tukuna vei au niu sa vinaka cake
Veivakayavalati Na tiko vata kei na dua drau sega ni veimaliwai vinaka	Na Cava Au Vakila ena Vuku ni Veivakayavalati?	Na Cava Au A Cakava?	Meu Na Sotava Vakacava?
Veivakayavalati Rogoca se raica e dua na itukutuku ca me baleti au se dua tale au lomana	Na Cava Au Vakila ena Vuku ni Veivakayavalati?	Na Cava Au A Cakava?	Meu Na Sotava Vakacava?

iKalawa 3: Vakai iko, digitaka e dua vei ira na veivakayavalati o a vola enai kalawa 1. Vola na veika o vakila ena vuku ni veivakayavalati. Qai vakalewena na isaunitaro matau e tu vei iko ka bulabula cake.

iVolakabi ni Veivakayavalati kei na Kena iWali

Veivakayavalati	Na Cava Au Vakila ena Vuku ni Veivakayavalati?	Na Cava Au A Cakava?	Meu Na Sotava Vakacava?
Veivakayavalati	Na Cava Au Vakila ena Vuku ni Veivakayavalati?	Na Cava Au A Cakava?	Meu Na Sotava Vakacava?

Veitalanoataka:

E rawa vakacava ni vukei keda na noda kila na noda vakayavalati me da veisotavi vakavinaka cake kina?

4. Tauyavutaka e Levu Cake na iVakarau dodonu ni Vakasama

Wilika:

Ni o sa kila rawa na ivakarau ni nomu vakanananu sega ni dodonu, na ikalawa e tarava sai koya mo tovolea mo veisautaki ira ki na vakanananu e dodonu, ka dina cake. Sa rawa mo sureta na veivakayarayarataki ni iVakabula ena bolei ni nomu vakanananu ka taroga se ra dina (raica na Joni 8:32). Oqo eso na taro e rawa ni o vakayagataka me bolei kina na nomu vakanananu cala:

• Ni vakasamataki na ivakadinadina kece, sa dodonu beka ena 100 na pasede na veika au vakananuma tiko?

• Oqo beka e dua na ka e vinakata na iVakabula meu vakananuma se vakila?

• Na vakanananu oqo e taucoko se sega—e vinaka kece se ca kece, qaqa se druka, dina se lasu?

• E vukei au beka se vakararawataki au na vakanananu vakaoqo?

• Na cava au vakila ena gauna e tiko kina vei au na vakanananu oqo?

• Na cava au kila me baleti au kei ira tale eso ka tukuna vei au ni sega ni dina oqo?

• Na cava au na tukuna vua na noqu itokani vinaka duadua se dua au dau rokova kevaka era vakananuma na veika oqo?

Veitalanoataka:

Na cava na vuna e bibi kina me bolei na vakanananu cala ka buli na veivakanananu e dodonu cake?

ITAVIQARAVI (15 na miniti)

iKalawa 1: Sa koto e ra e dua na ivakaraitaki ni sala me bolei kina na ivakarau ni vakanananu cala. Raica vata vakailawalawa na droini.

Droini ni ivakaraitaki ni Vakanananu Cala

Veitalanoataka:

Na ikuri ni vakanananu bulabula cava e rawa ni o vakuria ki na iyatu ni “Bulia e Levu Cake na Vakanananu Dodonu” ena ikalawa 1?

iKalawa 2: Vata kei na dua na itokani, vakalewena na iVolakabi ni Vakatulewataki ni Vakanananu e ra ni vakayagataki na cala ni vakanananu ena imatai ni kato. Veivosakitaka na sala e rawa ni muataki keda kina na iVakabula ki na vakanananu e dodonu cake.

Doini ni vakatovotovo ni Cala ni Vakanananu

iKalawa 3: Mo vakasamataka mada vakai iko, e dua na ituvaki o a sotava kina e dua na cala ni vakanananu. Vola na cala ni vakanananu oya ena imatai ni kato. Vakalewena na yasa imawi ni ivolakabi ena vakanananu ka maroroya tiko na cala taumada ni vakanananu. Qai vakalewena na yasana imatau ena vakasama e dodonu cake, oka kina na kena ena rairai vinakata vei iko na iVakabula mo vakananuma.

Droini ni Cala ni Vakanananu

Veitalanoataka:

Na cava eda rawa ni cakava meda vakananumi keda kina meda bolea ka vakaisosomitaka na ivakarau ni noda vakanananu sega ni dodonu ena vakanananu e dodonu cake?

5. Na Veisautaki ni Noda Vakasama e Taura na Vakatovotovo

Wilika:

Na iotioti ni kalawa me veisautaki kina na noda vakanananu sai koya me da vakatovotovotaka. Oqo e taura na gauna kei na vosota.

Na vakanananu cala e vauci keda ka yalana na noda marau kei na noda rawa ni tubu, ia na kena bolei na veivakanananu cala oqori ka vakaisosomitaki ena vakanananu e dodonu cake ena “sereki [keda]” (Joni8:32). Na vakavurei ni vakanananu e dodonu cake ena vukea na tubu ni noda yalodei ni da raici keda kei ira na tani ena sala e bulabula cake.

Ena macawa oqo e rawa ni o vakatovotovotaka na ivakarau ni vakasama bulabula ena nomu vakacavara na “Volakabi ni Vakatulewataki ni Vakanananu” ena mua ni iwase oqo. Vakasamataka mo wasea na nomu ivolakabi sa vakacavari kei na dua na lewe ni matavuvale se nomu itokani ni cakacaka.