Sehluko 25
NgekuTa kwesiBili, labatichenyako kanye nalababi batawushiswa njengemabibi—Elija utawubuya ngaphambi kwalolo suku lolukhulu nalolwesabekako—Catsanisa naMalakhi 4. Cishe ngemnyaka weNkhosi wa 34.
1 Ngoba buka, lusuku luyeta loluyawuvutsa njengelitiko; bonkhe labatichenyako, yebo, kanye nabo bonkhe labo labenta bubi, bayawuba ngemabibi; lusuku lolutako luyawubashisa, kusho iNkhosi yemaBandla, futsi aliyukubashiyela ngisho imphandze noma ligala.
2 Kodvwa kini nine lenilesabako libito lami, iNdvodzana yekulunga iyawuvuka nekuphilisa etimphikweni tayo; futsi niyawucala nikhule njengematfole etisingeni.
3 Niyawubagcobagcoba phansi lababi; ngoba bayawuba ngumlotsa ngaphansi kwetitsendze tetinyawo tenu ngelusuku lengiyawukwenta ngalo loku, kusho iNkhosi yemaBandla.
4 Khumbulani umtsetfo waMosi, inceku yami, lengamyaleta ngawo eHorebe kuwo onkhe ema-Israyeli, ngemitsetfo kanye nangetehlulelo.
5 Bukani, ngiyawutfumela kini Elija umphrofethi lungakafiki lusuku lolukhulu nalolwesabekako lweNkhosi;
6 Futsi uyawuguculela tinhlitiyo taboyise kubantfwana, kanye netinhlitiyo tebantfwana kuboyise, hleze ngite ngiphindze ngishaye umhlaba ngesicalekiso.