Sehluko 30
BeTive betinsuku tekugcina bayaletwa kutsi baphendvuke, bete kuKhristu, babalwe kanye nendlu yaka-Israyeli. Cishe ngemnyaka weNkhosi wa 34 kuya kuwa 35.
1 Lalelani, Awu nine beTive, nive emavi aJesu Khristu, indvodzana yaNkulunkulu lophilako, langiyalete ngawo kutsi ngiwakhulume mayelana nani, ngoba, bukani ungiyalete kutsi ngibhale, ngitsi:
2 Gucukani, nonkhe nine beTive etindleleni tenu tebubi; niphendvuke etentweni tenu letimbi, tekucamba emanga, tenkhohliso, tebugwadla, netinengiso tenu letiyimfihlo, nasekukhonteni tithico, nasekubulaleni, nakubuphristi-mbumbulu, nakumona, nakuncabano, kanye nakubo bonkhe bubi netinengiso, nite kimi, nibhajatiswe egameni lami, kute nitfole kutsetselelwa kwetono tenu, niphindze nigcwaliswe ngaMoya loNgcwele, kute nibalwe kanye nebantfu bami lababendlu yaka-Israyeli.