1 И сега Абинади им кажа: Би сакал да разберете дека самиот Бог Самиот ќе се спушти помеѓу човечките деца, и ќе го искупи Неговиот народ.

2 И бидејќи Тој живее во тело Тој ќе биде наречен Синот Божји, и подложувајќи го телото на волјата на Отецот, кој е Отецот и Синот—

3 Отецот, бидејќи Тој беше зачнат преку Божјата моќ; и Синот, поради телото; така станувајќи Отецот и Синот—

4 И Тие се еден Бог, да, самиот Вечен Отец на небото и на земјата.

5 И така телото станувајќи подложено на Духот, односно Синот на Отецот, како еден Бог, страдаше од искушение, и не се предаде на искушението, туку Самиот страдаше за да биде исмеван, и камшикуван, и отфрлен, и одбиен од Неговиот народ.

6 И после сето ова, откако направи многу моќни чуда помеѓу човечките деца, Тој ќе биде воден, да, дури како што кажа Исаија, како што овцата пред стрижач е нема, така Тој не ја отвораше Неговата уста.

7 Да, токму така Тој ќе биде воден, распнат, и убиен, телото станувајќи подложено дури и на смртта, волјата на Синот проголтана во волјата на Отецот.

8 И така Бог ги скинува оковите на смртта, стекнувајќи победа врз смртта; давајќи Му моќ на Синот да посредува за човечките деца—

9 Воздигнувајќи се на небото, имајќи утроби на милоста; исполнет со сочувство кон човечките деца; стоејќи помеѓу нив и правдата; кинејќи ги оковите на смртта, земајќи ги врз него нивното беззаконие и престапи, откупувајќи ги, и задоволувајќи ги барањата на правдата.

10 И сега јас ви велам, кој ќе го објави Неговото поколение? Ете, ви велам, дека кога Неговата душа беше дадена како принос за грев Тој ќе го види Неговото потомство. И сега што велите? А кое ќе биде Неговото потомство?

11 Ете ви велам, дека кој и да ги чул зборовите на пророците, да, сите свети пророци кои пророкуваа во врска со доаѓањето на Господ—Ви велам, дека сите оние кои ги послушале нивните зборови, и поверувале дека Господ ќе го откупи Неговиот народ, и го очекувале денот за опростување на нивните гревови, ви велам, дека овие се Неговото потомство односно дека се наследници на Божјето царство.

12 Зашто ова се оние чии гревови Тој ги поднесе; ова се оние за кои Тој умре, да ги искупи за нивните престапи. И сега, зарем не се Неговото потомство?

13 Да, и дали не се пророците, секој еден што ја отворил устата да пророкува, кој не паднал во престап, мислам на сите свети пророци откако започна светот? Ви велам дека тие се Неговото потомство.

14 И овие се оние кои објавија мир, кои донесоа добри вести за добрина, кои објавија спасение; и му кажаа на Сион: Твојот Бог владее!

15 И О колку убави врз планините беа нивните стапала!

16 И повторно, колку убави врз планините се стапалата на оние кои сѐ уште објавуваат мир!

17 И повторно, колку убави врз планините се стапалата на оние кои отсега ќе објавуваат мир, да, отсега натаму и засекогаш!

18 И ете, ви велам, ова не е сѐ. Зашто О колку убави врз планините се стапалата на Тој кој носи добри вести, кој е основач на мир, да, дури и Господ, Кој го откупи Неговиот народ; да, Тој кој додели спасение на Неговиот народ;

19 Зашто да не беше искупувањето кое Тој го направи за Неговиот народ, кое беше подготвено од основањето на светот, Јас ви велам, да не беше ова, цело човештво мораше да загине.

20 Но ете, оковите на смртта ќе бидат скинати, и Синот владее, и има моќ врз мртвите; затоа, Тој го исполнува воскреснувањето на мртвите.

21 И доаѓа воскреснувањето, и тоа прво воскреснување; да, и тоа воскреснување на оние кои биле, и кои се, и кои ќе бидат, дури до воскреснувањето на Христос—бидејќи така Тој ќе биде наречен.

22 И сега, воскреснувањето на сите пророци, и сите оние кои верувале во нивните зборови, односно сите оние кои ги одржувале заповедите на Бог, ќе се истакнат при првото воскреснување; затоа, тие се првото воскреснување.

23 Тие се одгледани да живеат со Бог кој ги искупи; така имаат вечен живот преку Христос, кој ги скина оковите на смртта.

24 И овие се оние кои имаат дел во првото воскреснување; и овие се оние кои умреле пред да дојде Христос, во нивната неукост, без спасението да им биде објавено. И така Господ го исполни обновувањето на овие; и имаат дел во првото воскреснување, или имаат вечен живот, искупени од Господ.

25 И малите деца исто така имаат вечен живот.

26 Но ете и плашете се, и треперете пред Бога, бидејќи треба да треперите; бидејќи Господ не искупи ниту еден што се буни против Него и умира во своите гревови; да, и тоа сите оние кои загинале во нивните гревови откако започна светот, кои намерно се побуниле против Бог, кои ги знаеле Божјите заповеди, и не ги одржуваа; овие се оние кои немаат дел во првото воскреснување.

27 Затоа нели треба да треперите? Бидејќи спасението не доаѓа кај ниту еден таков; бидејќи Господ не откупува ниту еден таков; да, ниту Господ може да откупува такви; бидејќи Тој не може да се негира Самиот; бидејќи Тој не може да ја негира правдата кога таа го има своето право.

28 И сега ви велам дека ќе дојде времето кога спасението на Господ ќе биде објавено на секоја нација, колено, јазик, и народ.

29 Да, Господ, твоите стражари ќе го кренат нивниот глас; со гласот заедно ќе пеат; бидејќи тие ќе видат око со око, кога Господ повторно ќе го доведе Сион.

30 Бликајте од радост, пејте заедно, вие истрошени места на Ерусалим; бидејќи Господ го утеши Неговиот народ, Тој го искупи Ерусалим.

31 Господ ја покажа Неговата света рака пред очите на сите нации; и сите краишта на земјата ќе го видат спасението на нашиот Бог.