1 Mie wasa ehu nan sahpw en Semlon, me nein Mehn Leimen serepein kan kin kohpene oh koul, oh kahlek, oh wie pereperen.

2 Kedekedeo ehu rahno ekei irail kohpene pwe irail en koul oh kahlek.

3 Oh met pwehki sapwellimen nanmwarki Noha samworo ko ar namenengki pwurodo nan kahnihmw en Nihpai, ei, oh pil masak aramas oko de kemeirailla, irail eri sohte men pwurala rehn arail pwoud kan oh neirail seri kan.

4 Oh pwehki arail mihmi nan sapwtehno, oh ni arail diaradahr nein Mehn Leimen serepein kan, irail ahpw rukurukih oh mwasamwasahn irail;

5 Oh ni ahnsou me ekeite irail me kohpene pwe re en kahlek, irail ahpw kohieisang wasahn arail rukula kan oh parokiraildi oh wairailahng nan sapwtehno; ei, serepein en Mehn Leimen meh riehk pahmen me irail wahlahng nan sapwtehno.

6 Kedekedeo ni ahnsou me Mehn Leimen kan diaradahr me neirail serepein kan solahr mie, irail lingeringerda pahn sapwellimen Limai aramas akan, pwe irail leme me sapwellimen Limai aramas akan me wia met.

7 Eri irail kadaralahng neirail sounpei kan; iei, pein nanmwarkio ketila mwohn sapwellime aramas akan; oh irail kohdahla nan sahpw en Nihpai pwe irail en kemehla sapwellimen Limai aramas akan.

8 Oh met Limai ahpw mahsanihada irail sang pohn wasahn iroiro, iei e masanihada arail kaukaunop koaros en mahwen; ih eri kapokonepene sapwellime aramas akan, oh awihiraildi nan mohs kan oh nan tuhke kan.

9 Kedekedeo ni ahnsou me Mehn Leimen kan kohdahdo, sapwellimen Limai aramas akan ahpw pwaradahsang wasa kan me re rukuruk ie, oh tepida kemeiralla.

10 Kedekedeo mahweno ahpw uk mehlel, pwe irail pei rasehng laion ni eh poar pohn seike.

11 Kedekedeo sapwellimen Limai aramas akan tepida pwakihsang Mehn Leimen kan; ahpw irail malaulausang Mehn Leimen kan. Ahpw irail mahwenki arail mour kan, oh arail pwoud kan, oh neirail seri kan; eri irail wia uwen arail kak oh pei duwehte drakon.

12 Kedekedeo irail diarada nanmwarki en Mehn Leimen kan nanpwungen neirail aramas me melahr akan; ahpw e sohte mehla, pwehki e ohla oh pwupwudi nan pwehlo, sapwellime aramas akan pwururdahtetangdoaui.

13 Oh irail koledi oh kidimala eh ohla kan, oh patohwanla mwohn Limai, oh patohwan: Kilang, iet nanmwarki en Mehn Leimen kan; pwehki e ohla laud e pwupwudi nanpwungen neirail me melahr akan, oh irail tangasang; oh kilang, se patohwando mwohmwi; oh met kitail en kemehla ih.

14 Ahpw Limai mahsanih ong irail: Kumwail sohte pahn kemehla ih, ahpw kumwail patohwando pwe I en kak kilang ih. Irail ahpw patohwando. Oh Limai mahsanih ong ih: Ia kahrepen amwail kohdoh mahwen ong nei aramas akan? Kilang, nei aramas akan saikinte kauwehla inou me I wiahiong komwi; eri, dahme kahreda komw pahn kawehla inou me komw wiahiong nei aramas akan?

15 Oh met nanmwarkio mahsanih: I kauwehla inouo pwehki sapwellimahr aramas akan wahsang nein nei aramas akan serepein kei; eri, sang nan ei lingeringer I ahpw kamwakidida nei aramas akan se en kohdo mahweniong sapwellimahr aramas akan.

16 Oh met Limai sohte ese duwen kahpwal wet; ih eri mahsanih: I pahn rapahki nanpwungen nei aramas akan oh mehmen me wia met pahn kamakamala. Ih eri kupwurehda roporop en wiawi nanpwungen sapwellime aramas akan.

17 Ni ahnsou me Kidion rongehr soahng pwukat, pwehki eh wia sapwellimen nanmwarkio kaun en sounpei, e patohla oh patohwanohng nanmwarkio: I peki rehmwi komwi en dehr rapahki nanpwungen aramas pwukat, oh dehr kapwukoakin irail.

18 Pwe komwi sohte tamataman sapwellimen sememwi samworo ko, me aramas pwukat song en kemehla? Oh irail soh mihmi nan sapwtehno? Oh kaidehn irail me pirapahsangehr nein Mehn Leimen serepein ko.

19 Oh met, kilang, oh mahsanihong nanmwarkien mepwukat, pwe en kak mahsanihong sapwellime aramas akan pwe irail en kak meleilei ong kitail; pwe kilang irail wie kaukaunop en kohdohng kitail; oh kilang kitail malaulaulahr.

20 Oh kilang, irail pahn kohkihdo kidelap en neirail karihs en sounpei kan; oh ma nanmwarkien sohte pahn kameleileirialdi kitail uhdahn pahn mehla.

21 Pwe mahsen en Apinadai kan soh pweidahr, me e kohpadahr duwen kitail—oh mepwukat koaros pwehki kitail sohte men rong mahsen kan en Kauno, oh kapweiekdi sang atail wiewia suwed kan?

22 Oh met kitail anahne kameleileidi nanmwarkien, oh kapwaiada inou me kitail wiahiong ih; pwe e pahn mwahu ma kitail mour lidu sang atail pahn mehla; eri, kitail kauhdi kakerehdi nta laud.

23 Oh met Limai mahsenihong nanmwarkio soahng koaros duwen semeo, oh samworo kan me tang kohla nan sapwtehno, oh kapwukoahnkin irail me wahsang neirail serepein ko.

24 Kedekedeo nanmwarkio ahpw meleileidi oh kupwurehla sapwellime aramas ko; oh e mahsanihong irail: Kitail kohwei oh tuhwong nei aramas akan, sohte wa dipwisou pei; oh I kahukihong kumwail sang ni ehu inou me nei aramas akan sohte pahn kemehla sapwellimwomwi aramas akan.

25 Kedekedeo irail idawehnla nanmwarkio, oh sohte wa dipwisou en mahwen kohla tuhwong Mehn Leimen kan. Kedekedeo irail ahpw tuhwongdi Mehn Leimen kan; oh nanmwarki en Mehn Leimen kan ahpw poaridi mwohrail, oh pekimahngki sapwellimen Limai aramas akan.

26 Oh ni ahnsou me Mehn Leimen kan kilangadahr sapwellimen Limai aramas akan sohte wa dipwisou en mahwen, irail ahpw poakeirailla, oh iangih arail nanmwarkio pwuralahng nan pein sapwarail ni popohl.