“Naan in Karuwainene,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jādede
Naan in Karuwainene
Jijiddikdik in
Ro jeiū im jatū rejitōn bōro im ro jerar ipeļaakin laļ in, ij lewaj aō naan in karuwainene n̄an kweilo̧k in eļap. …
Iiō eo ļo̧k ekar juon eo jeban meļo̧kļo̧k e. Ejjeļo̧k pere kōj kajjojo kar ekkatak men ko jekar jab jeļā m̧okta. Jet katak ko me ikar jeļā m̧okta jān aer kar jeje ilo būruwō ilo wāween ko rekāāl im ļap tokjāer.
N̄an waanjon̄ak, ilukkuun in jeļā bwe Irooj ej kōjekiik m̧akūtkūt ko an Kabun̄ in An. …
Barāinwōt eļapļo̧k aō meļeļe kiiō kōn meļeļe in An kar ba, “Lo, Inaaj kōm̧ōkaj jerbal eo Aō ilo iien eo an” [Katak im Bujen Ko 88:73]. …
… Ilo iiō in em̧ootļo̧k, elōn̄ iami rekar kōļļapļo̧k aer ekkatak gospel eo ilo mōko im̧ōmi. Ij kam̧m̧oolol kom̧, im ajri ro nejimi renaaj kam̧m̧oolol e kom̧. …
M̧ōttan wōt ad aiintok Israel, im juon m̧ōttan elukkuun aorōk, ej eddo eo ad āinwōt armej ej bwe jen erreo im m̧ōņōņō in jipan̄ kōpooj laļ in n̄an Itok eo Kein Karuo an Irooj.
Ilo ad ron̄jake ennaan ko me rekar lukkuun pojak jān ritōl ro ad ium̧win tōl eo an Jetōb Kwojarjar eo, ij kajjitōk ippemi n̄an jar im kalikkar meno̧kno̧k eo kwoj aikuj kōm̧akūti jān mour eo am̧ bwe kwōn maron̄ erreo.
… Kom̧ij ruwainene n̄an kweilo̧k in eļap im n̄an jeraam̧m̧an in n̄an ron̄jake ainikien Irooj.