“Iaļ eo An Juon Make Nejin Anij,” N̄an Kōkajoorļo̧k Jodikdik ro, Māe 2021.
M̧wen̄an eo an Ālkin Ralep in Jādede
Iaļ eo An Juon Make Nejin Anij
Jijdikdik in
Kajjojo armej ro rej itok n̄an laļin rej lukkuun ļaddik im leddik ro nejin Anij. Iaļ in ad make ekar jab ijjino ilo iien ļotak. Mokta jen ad kar ļotak, jaar pād ippān doon ilo juon laļin keppopo ijo jekar “bōk katak eo [ad] m̧oktata ilo laļ eo an jetōb” [Katak im Bujen Ko 138:56]. …
Āinwōt ajri in bujen ro nejin Anij, jej iakwe, kautiej, kōkaajriri, kōjparok, im karuwaineneiktok jetōb ko me rej itok jān mour eo m̧okta. …
… Būreejtōn Gordon B. Hinckley … ekar ba: “… Man lo̧je enana … eo eļapļo̧k ilo laļin.”
… Jen lukkuun kwaļo̧k m̧wilaļin en̄jake ko ad kōn kwojarjar eo an mour in n̄an ro rej kōm̧m̧ani kālet ko ilo jukjuk in pād ko. Remaron̄ jab lukkuun jeļā ta eo jej tōmake, ak jej jar bwe renaaj lukkuun meļeļe etke, n̄an kōj, kālet kein ren lukkuun diwōjļo̧k n̄an ta eo armej eo ekōņaan n̄an mour eo an make. …
Ij kam̧ool bwe iaļ eo an juon make nejin Anij ekar jab ijjino ilo iien eo kwoj bōk menwam̧ ioon laļin im eban jem̧ļo̧k ilo iien eo kwoj bōk kūtwōm̧ ilo mour wababan in.
Kōm̧m̧an bwe jen iien otemjej keememej bwe kajjojo jetōb nejin Anij ej itok n̄an laļin kōn iaļ eo an make. Kōm̧m̧an bwe jen karuwaineneik er, kōjparok er, im iien otemjej iakwe er. Ilo am̧ bōk ajri rein raiboojoj ilo etan Rilo̧mo̧o̧r im jipan̄ er ilo iaļ in aer indeeo, ij kallim̧uri eok bwe Irooj enaaj kōjeraam̧m̧an eok im lutōkleplep An kōjeraam̧m̧an ioom̧.