“Illu kōn Kalijōkļo̧k,” N̄an Kōkajoorļo̧k Jodikdik ro, Māe 2021.
M̧wen̄an eo an Ālkin Ralep in Jādede
Illu kōn Kalijōkļo̧k
Jijdikdik in
En̄taan im kalijōkļo̧k eo enana maron̄ pen keidi ippān m̧ool eo an juon Jmedwōj Ilan̄ eo ejouj, im iakwe. Aaet E em̧ool, E ejouj, im E ewāppen an iakwe ajri ro Nejin kajjojo. …
Jet kalijōkļo̧k maron̄ jab kōmeļeļeik; kalijōkļo̧k ko me āinwōt ejjeļo̧k juon un me ej kwaļo̧k en̄jake in illu. … Lukkuun jekjek in mour in ad ej kōm̧m̧an an kalijōkļo̧k. …
… Ij kean̄ kōn aolepān būruō ebūrom̧ōj bwe Jisōs Kraist ej jim̧or meļeļe kōn kalijōkļo̧k eo im ewōr an kajoor n̄an kōm̧m̧an bwe ren jetjet. … Eweppān An meļeļe ta eo jej en̄jake. …
… Ilo iien ko indeeo, Jemedwōj Ilan̄ im Jisōs Kraist renaaj ņa mejļan aolep kalijōkļo̧k. Jej kōņaan meļeļe n̄an jeļā ekōjkan im n̄āāt. Ekōjan Aer naaj kōm̧m̧ane? N̄āāt eo Renaaj kōm̧m̧ane? Ilo jeļā eo aō, Rejjan̄in de kar kwaļo̧k ekōjkan ak n̄āāt. Ta eo ijeļā ej bwe Er renaaj. …
Jemaron̄ kajjieon̄ kōttar n̄an ad bōk uwaak in kajjitōk ko ad kōn ekōjkan im n̄āāt tokālik im kalimjōk wōt kōļapļo̧k tōmak ilo Jisōs Kraist.
Ilo ad kōļapļo̧k tōmak ilo Jisōs Kraist, jej aikuj barāinwōt kajjieon̄ n̄an erom āinwōt E. Innām n̄e jej kepaak ro jet kōn jouj im kajjieon̄ n̄an kadikļo̧k kalilōkļo̧k jemaron̄ loe. …
Jab kōtļo̧k bwe kalijōkļo̧k en kakijn̄en̄eik eok ak kōm̧ōjņo̧ikļo̧k tōmak eo am̧ ilo Anij. Ijello̧kin, kajjitōk ippān Anij kōn jipan̄. Kōļapļo̧k am̧ kam̧m̧oolol kōn im pedped ioon Rilo̧mo̧o̧r eo. …
… Am̧ tōmak ilo Jemedwōj Ilan̄ im Jisōs Kraist enaaj jinōkjeej eļapļo̧k jān am̧ maron̄ pijaiki. Aolep kalijōkļo̧k—eļaptata kalijōkļo̧k ko relukkuun in uwaan kakitōtō—naaj kōkwojarjari n̄an ļapļo̧k eo am̧.